Նոյեմբերի 7-ին Հայաստանի Ազգային ժողովում տեղի է ունենում պաշտպանության եւ անվտանգության հարցերով մշտական հանձնաժողովի նիստը, որտեղ քննարկվում է «Ճանապարհային երթեւեկության անվտանգության օրենքում» լրացումներ կատարելու մասին օրինագիծը:
Օրինագծի հեղինակն է «Ծառուկյան» դաշինքից պատգամավոր Տիգրան Ուրիխանյանը:
Օրինագծով, մասնավորապես, առաջարկվում է ՀՀ տարածք մուտք գործած արտասահմանյան պետությունների քաղաքացիների վարորդական իրավունքները չդակել:
«Դրա պատճառով, դրանք կարող են անվավեր դառնալ՝ ոչ բարենպաստ իրավաբանական հետեւանքներ առաջացնելով, ինչը վարորդական իրավունքի հետագա օգտագործումը անվավեր է դարձնում կամ դժվարացնում է», - ասաց հանձնաժողովի նախագահ, ՀՀԿ պատգամավոր Կորյուն Նահապետյանը: