News
Լրահոս
News
Երկուշաբթի
Փետրվար 18
Տեսնել լրահոսը


Ճապոնիայում աշխատունակ բնակչության թվի կրճատման ֆոնին ընկերությունները լուծումներ են մշակում, որոնք թույլ կտան աշխատանքը կազմակերպել աշխատակիցների փոքր թվով: Panasonic-ից հայտնել են, որ ռոբոտի վրա են աշխատում, որը պետք է մարդկանց փոխարինի բերքահավաքի ժամանակ, փոխանցում է Vesti-ն: 

Սարքը մշակում են արտադրական ինովացիաների ստորաբաժանման մի խումբ աշխատակիցներ. Panasonic-ի այս բաժինն անցյալ դարի 60-ական թվականներից լուծումներ է ստեղծում արտադրության ավտոմատացման համար: Ներկայումս նրանք արդեն ռոբոտի երրորդ նախատիպի մշակումն են ավարտում, որը թեստավորվում է Նագանո պրեֆեկտուրայի ֆերմաներից մեկում:

Սարքը մարգերի երկայնքով ռելսերի վրա տեղաշարժվող խցիկներ ունեցող կորպուս է եւ ունի մանիպուլյատոր-«ձեռք»: Նրա խնդիրն այնքան էլ դյուրին չէ, որքան թվում է առաջին հայացքից. անհրաժեշտ է ոչ միայն պտուղը քաղել՝ չվնասելով այն, մյուս լոլիկները եւ ամբողջ բույսը, այլեւ մինչեւ դա որոշել հասած է, թե ոչ:

Մշակողները ռոբոտը սարքավորել են 3 խցիկներով: Առաջինը կիրառվում է տերեւների մեջ պտուղները գտնելու համար: Մյուս երկուսը դրանց գույնը (եւ համապատասխանաբար՝ հասած լինելը) ճիշտ որոշելու համար, ինչպես նաեւ տարածության մեջ ճիշտ դիրքը որոշելու համար: Ընդ որում՝ ռոբոտին կարելի է ցույց տալ, թե ինչ աստիճանի հասունության պտուղ է անհրաժեշտ հավաքել: Ճանաչելու համար կիրառվում են արհեստական ինտելեկտի վրա հիմնված մեքենայական տեսողության ալգորիթմներ, ռոբոտին սովորեցրել են լոլիկի 10 հազար լուսանկարների տվյալների միջոցով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Facebook-ը «կանխամտածված» խախտել է գաղտնիության քաղաքականությունը. զեկույց
Բացի այդ ամերիկյան ընկերությանը խորհուրդ են տվել զգալիորեն փոխել իր բիզնես մոդելը եւ աշխատանքի մեթոդները...
Ավստրալիայի խորհրդարանի վրա կատարված հաքերային հարձակումը առնչվել է մի շարք կուսակցությունների
Տուժել են նաեւ մի շարք քաղաքական կուսակցությունների ցանցերը՝ Լիբերալ, Լեյբորիստական եւ Ազգային…
Apple-ը շուտով հատուկ Չինաստանի համար նոր գույնով կթողարկի iPhone XS-ը եւ XS Max-ը
iPhone XR-ը այդ գունավորումը ստացել է վաճառքի մեկնարկին․․․
Ford-ը ստեղծել է խելացի մահճակալ, որը թույլ չի տալիս զույգերին խանգարել միմյանց
Ford-ն ստեղծել է երկտեղանի խելացի մահճակալ...
Facebook-ին բռնել են օգտատերերին հետեւելու մեջ
Facebook-ն ունի հատուկ բաժին, որն զբաղվում է ընկերությանն սպառնացող օգտատերերին հետեւելով...
Amazon-ը հրաժարվել է Նյու Յորքում գրասենյակ կառուցելու մտքից
Գրասենյակի մոտավոր արժեքը կազմում էր մոտ 2,5 միլիարդ դոլար...
Ամենաշատ