Մակեդոնիան ՆԱՏՕ-ին անդամակցելու հարցում «զգալի առաջընթացի» է հասել։ Այս մասին հայտարարել է Դաշինքի ռազմական կոմիտեի փոխնախագահ, ամերիկացի գեներալ-լեյտենանտ Սթիվեն Շեպրոն, ով գտնվում է Սկոպյեում՝ տեղեկացնում է AP-ն։
ՆԱՏՕ-ի բարձրաստիճան ներկայացուցիչների պատվիրակությունն այցելում է Մակեդոնիա՝ երկրի ռազմական ոլորտին ծանոթանալու եւ գործընկերների հետ հանդիպելու համար։ Մակեդոնիան ակնկալում է հաջորդ տարի ՆԱՏՕ-ի անդամ դառնալ։
Մակեդոնիայի զինվորականները ներկայում մասնակցում են միջազգային մի քանի առաքելությունների, այդ թվում՝ Աֆղանստանում եւ Լիբանանում։