Սաուդյան Արաբիան եւ Ռուսաստանի Դաշնությունը ստիպված են կրճատել նավթի հանքարդյունահանման ծավալներն այն բանից հետո, երբ այդ հարցով գործարքի կուրսի փոփոխման նրանց ծրագրերը անհաջողության մատնվեցին։ Այս մասին Bloomberg-ին տված հարցազրույցում հայտարարել է Նավթ արտահանող երկրների կազմակերպությունում Իրանի ներկայացուցիչ Հոսեյն Կազեմպուր Արդեբիլին։ Նա նշել է, որ նավթի հանքարդյունահանման ծավալների կրճատումը կարող է հասնել օրական ավելի քան 1 միլիոն բարելի։
«Նրանք փոխել են շուկայի բալանսը։ Սաուդյան Արաբիան եւ Ռուսաստանը ավելացրել են արտադրությունը, իսկ գները 15 դոլարով նվազել են։ Այս երկուսը պետք է կրճատեն նավթի հանքարդյունահանումը»,- նշել է նա։
Ըստ պատվիրակների՝ Նավթ արտահանող երկրների կազմակերպությունը առաջիկա հանգստյան օրերին Աբու Դաբիում կքննարկի 2019թ․ համար նավթի արտադրության կրճատման հնարավորությունը։
Նավթի գների նվազեցումը վնաս է հասցրել Նավթ արտահանող երկրների կազմակերպության մյուս անդամներին, որոնք չեն կարողացել մեծացնել առաջարկությունը այն ծավալով, ինչքանով դա արել են Սաուդյան Արաբիան եւ Ռուսաստանը՝ ասել է Կազեմպուրը։