CNN-ի լրագրող Ջիմ Աքոսթային Սպիտակ տան մշտական անցագրից զրկելու որոշումը ցավալի է եւ պետք է վերանայվի: Այս մասին հինգշաբթի հայտնել է ԵԱՀԿ-ի ԶԼՄ-ի ազատության հարցերով ներկայացուցիչ Առլեմ Դեզիրը, գրում է ՏԱՍՍ-ը:
«CNN-ից Ջիմ Աքոսթային Սպիտակ տան մշտական անցագրից զրկելու որոշումը ցավալի է: Լրագրողները պետք է հնարավորություն ունենան հարցեր տալ եւ առաջնորդներին կոչ անեն արձագանքել: Ես կոչ եմ անում վերանայել դա եւ լրագրողներին ժողովրդի թշնամիներ չանվանել», - Twitter- ում գրել է Դեզիրը:
CNN-ի թղթակից Ջիմ Աքոսթան նախագահ Դոնալդ Թրամփի հետ մամուլի ասուլիսի ժամանակ վեճի պատճառով ժամանակավորապես զրկվել էր Սպիտակ տան մշտական անցագրից, որը պահանջվում է մամուլի համար նախատեսված միջոցառումներ այցելելու համար:
Այս մասին հայտնել է Սպիտակ տան մամուլի քարտուղար Սառա Սանդերսը, տեղեկությունը հաստատել է նաեւ լրագրողը: