Զելենոգրադում կովկասցիների միջեւ զանգվածային կռիվ է տեղի ունեցել, հաղորդում է «Վեչերնի կուրյերը»:

Նշվում է, որ դեպքը, որին մասնակցել է առնվազն 15 դաղստանցի եւ հայ, տեղի է ունեցել նոյեմբերի 7-ի երեկոյան:

Կռվի ժամանակ սառը զենք է օգտագործվել:

Արդյունքում, ըստ որոշ տվյալների, տուժել է առնվազն 1 մարդ, ըստ այլ տեղեկությունների, վիրավորվել է ծեծկռտուքի 3 մասնակից, որոնք դանակի վնասվածքներով հոսպիտալացվել են:

Դեպքի վայր են ժամանել ոստիկանները: Տարածքի զննության ժամանակ արյան հետքեր են հայտնաբերվել:

Արդեն ձերբակալվել է 8 մարդ, այդ թվում 7 հայ եւ 1 դաղստանցի:

Այնուհետեւ ցուցմունք տալու համար ոստիկանությունը բերման է ենթարկել 12 մարդու, նրանցից մեկը աղջիկ է:

Մոսկվայում բժիշկները հայտնել են, որ մի քաղաքացի (դաղստանցի), հավանաբար կռվի մասնակից, դիմել է նրանց բժշկական օգնության համար:

Տուժողի դեմ հարձակման մեջ կասկածվում է ծնունդով հայաստանցին: Նրա հետ արդեն աշխատում են ոստիկանության աշխատակիցները:

Բացի դրանից, ԱԴԾ-ն նույնպես տեղեկացրել է Զելենոգրադում տեղի ունեցած զանգվածային ծեծկռտուքի մասին: