Նոյեմբերի 3-ին ԱՄՆ Միլուոքի քաղաքի սբ Հովհաննես Մկրտիչ հայ առաքելական եկեղեցում տեղի է ունեցել կոնֆերանս` նվիրված հայոց ծագումնաբանությանը: Այս մասին հայտնում է Armenian Weekly-ն:
Առաջին բանախոսը՝ Թրեյսի Րայվիտ Քինին, որը հայոց ծագումնաբանության մասին ֆեյսբուքյան ամենահայտնի էջի` Armenian Genealogy-ի ադմինիստրատորն է, նշեց, որ ծագումնաբանությունը բացահայտելու ճանապարհը անհրաժեշտ է սկսել ողջ մնացած բարեկամներից:
Մարկ Արսլան ներկայացրեց, թե ինչպես է ստեղծվել հայոց ծագումնաբանության մասնագիտացված Armenian Immigration Project կայքը: Այստեղ տեղադրված են մարդահամարի, հպատակագրության, ուղեւորատար նավերի հայտարարագրեր, ինչպես նաեւ «Հայրենիք» թերթի հայտարարություններ, որտեղ փնտրվում են 1919-ին եւ 1920-ին կորած բարեկամներ:
