«Իրատես» թերթը գրում է. «Խորհրդարանական ընտրություններում ռեյտինգային ընտրակարգի պահպանումը, պարզվում է, ձեռնտու չէ ոչ մի կուսակցության` իշխանությունից մինչեւ ընդդիմություն։ Եվ խնդիրն ամենեւին էլ մարդ գտնելը չէ, այլ «ձայնով» ապահովված թեկնածու հայթայթելն է։ Բոլորը փորձում են մարզերում պեղել այնպիսի թեկնածուների, որոնք կարող են կուսակցությունների համար քվե ապահովել։
Աղմուկ-աղաղակով ՀՀԿ-ից հեռացած ռեյտինգային պատգամավորները, մեր տեղեկություններով, պատրաստ են աննկատ, իշխանության աչքից հեռու, օգնելու ՀՀԿ-ին։ «Դե, շուն-գել մերոնք են, էլի, հազար տարի հետները տվել-առել ենք։ Եթե անգամ չօգնենք, հաստատ չենք խանգարի»,- մեզ փոխանցեց ռեյտինգայինով ընտրված ՀՀԿ խմբակցության պատգամավորներից մեկը։
Բացի այդ, ՏԻՄ-երում ՀՀԿ-ն բավականին մեծ թվով «ծպտյալ» համայնքապետեր ունի, որոնք ընտրություններում պարապ չեն նստի։ Խոսքն ամենեւին կաշառքով, կեղծիքով, զոռով քվե բերելը չէ, այլ գյուղերում խնամի-ծանոթ-բարեկամ «ընտրակարգի» օգտագործումը։
Ի դեպ, ՀՀԿ-ում հարցը շատ կոնկրետ է դրվել. բոլորն առաջադրվելու են ռեյտինգային ընտրակարգով»:
Առավել մանրամասն՝ թերթի այսօրվա համարում
