News
Լրահոս
News
Երեքշաբթի
Դեկտեմբեր 11
Տեսնել լրահոսը

Փաշինյանի կառավարման շրջանում Հայաստանը հետեւողական զիջում է իր անվտանգության դիրքերը: Այս մասին, հայտարարություն է տարածել ԱԺ փոխնախագահ, ՀՀԿ մամուլի խոսնակ Էդուարդ Շարմազանովը:

Նա, մասնավորապես, նշել է.

«Փաստորեն նոյեմբերի 8-ն էլ անցավ, բայց Հայաստանը ՀԱՊԿ-ում գլխավոր քարտուղար չունեցավ: Մի բան է պարզ դառնում. Փաշինյանի կառավարման շրջանում Հայաստանը հետեւողական զիջում է իր անվտանգության դիրքերը: Ավելին, բացահայտ նշվում է, որ գլխավոր քարտուղարի պաշտոնը Բելառուսին է տրվելու: Սա Փաշինյանի կառավարության հերթական բացահայտ ձախողումն է:

Իսկ ի՞նչ է լինելու: Ասեմ, սեփական ձախողումը քողարկելու համար կարծում եմ՝ մենք ականատես կլինենք,  այսպես ասած, կոռուպցիայի դեմ պայքարի, նոր բացահայտումների կամ սեւերի ու սպիտակների հերթական բաժանման:

Պարոն վարչապետ, կոռուպցիայի ու ցանկացած ապօրինության դեմ էլի  պայքարեք, բայց ոչ ի հաշիվ Հայաստանի ու Արցախի անվտանգության:

Հա, մեկ էլ մի բան՝ էդ նորմալ ու կիրթ տպավորություն թողած Ալիեւը հերթական անգամ խոսել է ինչ-որ տարածքներ վերադարձնելու, Արցախը ադրբեջանական հող լինելու, Հայաստանից զիջումներ կորզելու մասին: Ես սպասում էի Ձեր արձագանքին, բայց Ձեր խրոխտ ու վճռական խոսքի փոխարեն ստացա լռություն: Մտահոգիչ է, եղբա՛յր:

Հայաստանի թիվ մեկ մարտահրավերը եղել եւ մնում է ՀՀ անվտանգության ամրապնդումն ու Արցախի հարցի արդար եւ հայանպաստ լուծումը»:

Ավելի վաղ NEWS.am-ը հայտնել էր, որ ՌԴ նախագահի մամուլի քարտուղար Դմիտրի Պեսկովը հայտարարել էր, որ ՀԱՊԿ անդամ երկրների ղեկավարները կազմակերպության գլխավոր քարտուղարի թեկնածության հարցով որոշում կկայացնեն դեկտեմբերի 6-ին, Սանկտ Պետերբուրգում։

Իր հերթին Ղազախստանի նախագահ Նուրսուլթան Նազարբաեւը հայտարարել է, որ ՀԱՊԿ նոր գլխավոր քարտուղարը, ամենայն հավանականությամբ, կլինի Բելառուսի ներկայացուցիչը: Իհարկե, Հայաստանը ցանկանում է երկարաձգում, սակայն բոլոր անդամ երկրների ղեկավարները նշել են, որ մնում է մեկ տարի, նա նույնիսկ չի հասցնի շրջել երկրներով, այդ իսկ պատճառով անհրաժեշտ է նորմալ գործող գլխավոր քարտուղար հաջորդ՝ բելառուսական կողմից»,–նշել է Նազարբաեւը։

Տպել
Կարդացեք նաև
Ամբողջը
Հայաստանը չի ձգտում անդամակցել ՆԱՏՕ-ին. Փաշինյան
Փաշինյանը նաև նշել է, որ Հայաստանը պահպանում է գործընկերային հարաբերությունները եւ՛ Ռուսաստանի, եւ՛ ԵՄ-ի հետ, բայց չի լինելու որևէ մեկի ազդեցության տակ...
Քաղաքագետ. Առաջիկա ամիսներին անհրաժեշտ է ՀԱՊԿ հետ կապված խնդիրները լուծել
Եթե ոչ, ապա ՀԱՊԿ-ն կվերածվի ԱՊՀ անալոգի՝«փխրուն» կազմակերպության, որը չի կարողանա իր անդամների հարցերը լուծել», - համոզված է Կռիլովը...
ՀԱՊԿ նիստ չի եղել եւ դրանով ամեն ինչ ասված է. Փաշինյան
ՀԱՊԿ գլխավոր քարտուղարի հարցով ոչ մի որոշման չենք հանգել...
Լուկաշենկոյի մամուլի քարտուղար․ ՀԱՊԿ նոր գլխավոր քարտուղարի նշանակման հարցը մինչեւ տարվա վերջ պետք է որոշված լինի
Այդ հարցի քնարկումը ոչ թե բուռն էր, այլ շատ բուռն էր,,,
Մեր խոսակցությունն ինձ բավարարեց. Փաշինյանը Լուկաշենկոյից պարզաբանում է պահանջել
Գիտեք, եթե ես իրեն մեղադրում եմ փակ նիստի բովանդակությունը բացահայտելու մեջ...
Պեսկով. ՀԱՊԿ գլխավոր քարտուղարի հարցը լուծված չէ
Պեսկովի խոսքով Լուկաշենկոն ԵՏՄ գագաթաժողովի ժամանակ անդրադարձել է այդ հարցին, թեեւ այն օրակարգում չկար...
Ամենաշատ
Partner news