News
Լրահոս
News
Շաբաթ
Ապրիլ 20
Տեսնել լրահոսը

Սպիտակ տան մամուլի քարտուղար Սառա Սանդերսը ամերիկյան CNN  հեռուստաալիքի լրագրող Ջիմ Աքոսթային, որը նախկինում զրկվել էր հավատարմագրումից,  մեղադրել է Սպիտակ տանը ստաժոր աշխատող երիտասարդ կնոջ դեմ սեքսուալ ոտնձգությունների մեջ, գրում է DW-ն:

Նոյեմբերի 8-ին Սանդերսը հաղորդել է, որ լրագրողը նախագահ Թրամփի ասուլիսի ժամանակ, որը նվիրված էր Կոնգրեսի միջանկյալ ընտրություններին, «ձեռքերին ազատություն է տվել»:

Որպես ապացույց Սանդերսը Twitter-ի  միկրոբլոգում մամուլի ասուլիսից կարճ տեսանյութ է հրապարակել, որտեղ երեւում է Սառա Խակաբիի թեթեւ պայքարը Աքոսթայի հետ, երբ նա փորձում է լրագրողից վերցնել խոսափողը: Ըստ Սառայի վարկածի, թղթակիցը մտածված էր դիպչում  կնոջ մարմնին:

Twitter-ի օգտատերերը եւ լրատվամիջոցները Սպիտակ տանը մեղադրել են տեսանյութը կեղծելու մեջ՝ մատնանշելով կադրերի կասկածելի մոնտաժը եւ դրանց անկանոնությանը: Բրիատանական The Independent-ը եկել է այն եզրակացության, որ տեսանյութում վճռորոշ տեսարանի ժամանակ Սանդերսը առավելագույնս երկար ցույց է տալիս նույն կադրը: Բացի այդ օգտատերերը նշել են, որ հոլովակը, ըստ ամենայնի, մոնտաժվել է, ընդ որում՝ ոչ Սպիտակ տան ունեցած կադրերով:

Իր հերթին dpa-ն նշում է, որ իր տրամադրության տակ գտնվող ասուլիսի տեսանյութը դեռ թույլ չի տալիս միանշանակ հայտարարել  մանիպուլյացիայի մասին:

ԱՄՆ առաջնորդի պաշտոնական նստավայրում նոյեմբերի 7-ի մամուլի ասուլիսից հետո  Աքոսթան զրկվել էր Սպիտակ տան հավատարմագրումից: Միջոցառման ժամանակ Դոնալդ Թրամփը վիճել էր նրա հետ:

Մամուլի ասուլիսի ժամանակ Աքոսթան Թրամփին հարց էր ուղղել այն մասին, թե ինչու է նա Մեքսիկայի կողմից, այսպես կոչված, ներգաղթյալների քարավանի սահմանին մոտենալը ներխուժում անվանում եւ այդ թեման նոյեմբերի 6-ի նախօրեին  դարձրել է իր քաղաքական արշավների հիմնական թեման:

«Թույլ տվեք ինձ ղեկավարել երկիրը: Դուք ղեկավարում եք CNN-ը եւ եթե լավ անեիք այդ, վարկանիշները շատ ավելի բարձր կլինեին», - նշել էր Թրամփը:

2016 թվականի ընտրություններում Ռուսաստանի ենթադրյալ միջամտության մասին հարց տալու լրագրողի փորձին ի պատասխան, նախագահը ընդհատել էր նրան եւ ասել.  «Բավական է»: Թրամփի օգնականը փորձել էր լրագրողից խլել խոսափողը, բայց Աքոսթան չէր տվել այն եւ անգամ կարողացել էր ավարտել միտքը:

Թրամփը մինչ այդ ուշադրությունը ուղղել էր մյուս լրագրողին՝ NBC News-ի աշխատակից Փիթեր Հարեթին: Վերջինս պաշտպանել էր գործընկերոջը, որից հետո Թրամփն ասել էր, որ Հարեթի երկրպագուն չէ: Այդ ժամանակ Աքոսթան արդեն առանց խոսափողի հիշեցրել էր վերջին իրադարձությունների մասին, երբ CNN-ը եւ Թրամփի մյուս հակառակորդները փոստով պայթուցիկ սարքեր էին ստացել:

«Նստեք», - բռնկվել էր նախագահը:

«Երբ դուք կեղծ լուրեր եք հաղորդում, իսկ CNN-ը հաճախ է այդպես անում, ազգի թշնամիների նման եք ձեզ պահում», -ասել էր նա եւ Աքոսթային «կոպիտ եւ սարսափելի մարդ»  անվանել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանը 61-րդ տեղն է զբաղեցրել մամուլի ազատության ամենամյա վարկանիշում՝ բարելավելով ցուցանիշը
Նոր կառավարությունը պետք է փորձի վերականգնել այն հնարավորությունները, որոնք բաց էին թողնվել թվային հեռուստատեսության անցման ժամանակ, ինչը պարադոքսալ կերպով սահմափակել է մարզային ալիքների քանակը...
Հասարակությունն իրավունք ունի իմանալ, թե ումից է ստանում իր համար կարեւոր տեղեկությունները. Բորիս Նավասարդյան
Շատ լավ հիշում ենք, որ, երբ Հայաստանում նոր իշխանություններ էին գալիս, անմիջապես վերաբաշխում էր տեղի ունենում լրատվական դաշտում...
Սուդանում չեղարկել են ԶԼՄ-ների գրաքննությունը եւ հիմնական ազատություններն արգելող օրենքը
Սուդանի Ռազմական խորհուրդը չեղարկել է հիմնական ազատությունները սահմանափակող օրենքները...
Ջերեմի Հանթն ու Ամալ Քլունին արշավ են սկսել ԶԼՄ-ների ազատության համար
Հանթի խոսքերով՝ ժողովրդավարական երկրները պետք է միավորվեն իրենց աշխատանքը կատարող լրագրողների սպանությունները, կալանքն ու ձերբակալությունն արգելելու նպատակով…
Քննչական կոմիտեի գործողություններին պետք է տրվի գնահատական. yerevan.today
Դիմում ենք ՀՀ լրատվամիջոցների խնդիրներով և խոսքի ազատությամբ զբաղվող ու մտահոգ կառույցներին...
Աֆրիկյան երկրներից մեկում արգելափակել են BBC News-ն ու «Ամերիկայի ձայնը»
BBC-ն արգելափակելու պատճառը Բուրունդիում գաղտնի բանտերի եւ դրանցում հալածանքների մասին բրիտանական հեռուստաընկերության վավերագրական ֆիլմն էր…