News
Լրահոս
News
Ուրբաթ
Հունվար 18
Տեսնել լրահոսը

ՀՀ քննչական կոմիտեի ԵՔՔՎ Կենտրոն եւ Նորք-Մարաշ վարչական շրջանների քննչական բաժնում հարուցվել է քրեական գործ՝ անչափահասի դանակահարության դեպքի առթիվ։ Ձեռնարկված անհետաձգելի քննչական եւ օպերատիվ-որոնողական միջոցառումների արդյունքում պարզվել են դեպքի հանգամանքները, ենթադրյալ հանցագործություն կատարած անձի ինքնությունը, ով եւս անչափահաս է։

2018թ. նոյեմբերի 5-ին «Հերացու անվան թիվ 1 համալսարանական հիվանդանոց»-ից ահազանգ է ստացվել առ այն, որ իրենց մոտ բուժօգնության է տեղափոխվել 17-ամյա  երիտասարդ՝ «կրծքավանդակի ձախ կեսի ծակած-կտրած, թափանցող վնասվածք, ձախակողմյան պնեւմոթորաքս, կրծքավանդակի ձախ կեսի էնֆիզեմա, արտաքին արյունահոսություն, ձախ հետույքային, պոչուկային շրջանների, աջ եւ ձախ ազդրերի դրսային մակերեսների կտրած-ծակած վերքեր» ախտորոշմամբ: Անչափահասի հայրը հաղորդում է տվել այն մասին, որ որդուն դանակահարել են:

Դեպքի առթիվ 2018թ. նոյեմբերի 5-ին ՀՀ քննչական կոմիտեի ԵՔՔՎ Կենտրոն եւ Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով: 17-ամյա երիտասարդը ճանաչվել է տուժող:

«Թիվ 1 համալսարանական հիվանդանոց»-ից ստացված տեղեկանքի համաձայն՝ անչափահասը գտնվում է վերակենդանացման բաժանմունքում եւ ի վիճակի չէ ցուցմունք տալ:

Դեպքի վայրի զննությամբ հայտնաբերվել է հանցագործության գործիք հանդիսացող դանակը եւ առգրավվել:

Նախաքննությամբ իրականացվել են անհետաձգելի քննչական եւ դատավարական այլ գործողություններ, առգրավվել են տուժողի հագին դեպքի պահին եղած հագուստները, հարցաքննվել վկաներ, նշանակվել են դատաբժշկական եւ դատակենսաբանական փորձաքննություններ:

Քննությամբ  պարզվել է ենթադրյալ հանցագործություն կատարած անձի ինքնությունը, ով եւս անչափահաս է: Վերջինիս մեղադրանք է առաջադրվել՝ ՀՀ քրեական օրենսգրքի 112-րդ հոդվածի 1-ին մասով, եւ նրա նկատմամբ խափանման միջոց է ընտրվել ստորագրություն՝ չհեռանալու մասին:

Նախաքննությունը շարունակվում է: Ձեռնարկվում են անհետաձգելի քննչական եւ դատավարական այլ միջոցառումներ՝ դեպքի բոլոր հանգամանքները պարզելու, օբյեկտիվ, լրիվ եւ բազմակողմանի քննությունն ապահովելու ուղղությամբ:

Տպել
Կարդացեք նաև
Ամբողջը
Շվեդիայում մեղադրանք է առաջադրվել տղամարդուն, ով գողացել էր թագավորական գանձերը
22-ամյա կասկածյալը հայտնաբերվել է ԴՆԹ-ի շնորհիվ, որը գտնվել էր հանցագործության վայրում եւ հեծանվի վրա…
Ալաբամայի բնակիչը բազմիցս երեխային մտցրել է չորացուցիչի կամ լվացքի մեքենայի մեջ
Նա երբեմն փոքրիկին խցկում էր լվացքի մեքենայի մեջ եւ սպառնում այն միացնել՝ ասելով, որ ջուրը «շատ տաք կլինի»…
Վարորդը ծեծել է բժշկականի դասախոսին, վնասել նրա մեքենան․ արտակարգ դեպք Երեւանում
Բռունցքներով մի քանի անգամ հարվածել է դեմքին ու մարմնի տարբեր մասերին․․․
Չինաստանի օգտին լրտեսություն անելու մեջ մեղադրվող լեհը նախկին վարչապետի խորհրդականն է եղել
Շիդլոյի գրասենյակի կողմից վարձվել է, որպես անվտանգության հարցերով խորհրդական․․․
Քոթանջյանին կողոպտել էր Վրաստանի քաղաքացի Շամիլովը․ հանցագործությունը բացահայտվել է
Նա ինքնախոստովանական ցուցմունք է տվել․․․
Բանկի հաճախորդի անձնական տվյալները խմբագրելով՝ փորձել է խոշոր չափերով գումար հափշտակել. ՔԿ
«Զարգացման Հայկական Բանկ» ԲԲ ընկերության պլաստիկ քարտերի բաժնի նախկին ղեկավարը...