Reddit սոցցանցի օգտատերերի, իսկ այնուհետեւ ԶԼՄ-ների ուշադրությունը գրավել է Microsoft-ի ակտիվացման սերվերների սխալը՝ հայտնում է «Ինտերֆաքսը»։
Windows 10 Pro-ով որոշ համակարգիչներում օպերացիոն համակարգը հաղորդագրություն է ուղարկել, որ Windows 10 Pro-ի լիցենզիան անջատված է, եւ առաջարկել է Windows 10 Home տեղադրել։
Ստուգումների ժամանակ հայտնաբերվել է լիցենզիաների «բախում», քանի որ Windows 10 Pro-ն փորձում է աշխատել Windows 10 Home-ի լիցենզիայով։ Օգտատերն այդ դեպքում կամ պետք է փոխի օպերացիոն համակարգը Home-ի, կամ Pro տարբերակի բանալի ձեռք բերի։
Microsoft-ի սպասարկման ծառայությունում հայտնել են, որ գիտեն խնդրի մասին եւ աշխատում են վերացնել այն։ Այս խնդրի հետ բախվել են Ռուսաստանում, Ճապոնիայում, ԱՄՆ-ում , Կորեայում եւ այլ երկրներում։