News
Լրահոս
News
Կիրակի
Ապրիլ 21
Տեսնել լրահոսը

Հայաստանի անդամակցությունը ԵԱՏՄ-ին եղել է Հայաստանի քաղաքական ամենամեծ վրիպումը։ Այս մասին այսօր՝ նոյեմբերի 10-ին, մամուլի ասուլիսի ժամանակ հայտարարեց «Ազատ դեմոկրատներ» կուսակցության նախագահ Խաչատուր Քոքոբելյանը։

«Մենք երբեք մեր հայտարարություններից եւ սկզբունքներից չենք հրաժարվում։ Մենք համարել ենք եւ համարում ենք, որ Հայաստանի անդամակցությունը ԵԱՏՄ-ին եղել է Հայստանի քաղաքական դաշտի ամենամեծ վրիպումը։ Ես չեմ կարծում, թե Հայաստանը պետք է վատացնի իր հարաբերությունները Ռուսաստանի հետ, ավելին՝ մենք համարում ենք, որ Հայաստանը պետք է առողջացնի իր հարաբերությունները Ռուսաստանի հետ, եւ ստեղծի շատ գործընկերային հարաբերություններ, ինչը նախկինում բացակայել է։ Ես հույս ունեմ, որ նոր կառավարությունում այդ ուղղությամբ լիարժեք քայլեր կանեն»,– ասաց նա։

Քոքոբելյանը նշեց, որ անդամակցությունը ԵԱՏՄ-ին նախորդ իշխանությունների կողմից «փաթեթավորվեց» որպես անվտանգային կարեւոր հարց։ «Ազատ դեմոկրատներ» կուսակցության նախագահի կարծիքով՝ ձեւական է նաեւ Հայաստանի անդամակցությունը ՀԱՊԿ–ին։

«Դուք հիշում եք մի դեպք, որ ՀԱՊԿ–ն ադեկվատ գործողություն է կատարել, երբ Հայաստանի պետական սահմանը խոցվել է, էլ չեմ խոսում Արցախի մասին։ Մի երկու անգամ եղել է, որ միջազգային կոշտ հայտարարություններից հետո հերթապահ հայտարարություններ են արել»,- նշեց նա։

«Հանրապետություն» կուսակցության առաջնորդ Արամ Սարգսյանն էլ ասաց, որ ինքը նույնպես շարունակում է դեմ լինել Հայաստանի անդամակցությանը ԵԱՏՄ-ին, խորհրդարանում էլ դեմ է քվեարկել այդ հարցին։

Հավելենք, որ «Հանրապետություն» և «Ազատ դեմոկրատներ» կուսակցությունները այսօր՝ նոյեմբերի 10-ին, հուշագիր են ստորագրել, որի համաձայն՝ Ազգային Ժողովի արտահերթ ընտրություններին կմասնակցեն դաշինքով։

Տպել
Կարդացեք նաև
Ամբողջը
ԵՏՄ-ն պետք է մասնակիցների համար հավասար պայմաններով լիարժեք տնտեսական միություն դառնա. Լուկաշենկո
Լուկաշենկոն նշել է նաեւ ԱՊՀ-ում համագործակցությունը՝ նշելով, որ նրա անդամ շատ երկրների համար սա փաստացի միակ հարթակն է ոչ միայն առեւտրային, այլ նաեւ քաղաքական երկխոսության համար...
ՌԴ-ն ԵՏՀ-ին խնդրում է չեղարկել սպիտակ շաքարավազի ներկրման պարզեցված ընթացակարգը. ՌԲԿ
Նրա խոսքով՝ այժմ տվյալ ձեռնարկությունները կարող են առանց տուրքերի Ուկրաինայից եւ Եվրոպայից շաքարավազ ներկրել ազատ տնտեսական...
Ռուսաստանի եւ Հայաստանի ղեկավարները կհանդիպեն մայիսի 29-ին ԵՏՄ նիստի շրջանակում. Մատվիենկո
Ռուսաստանի եւ Հայաստանի ղեկավարները կհանդիպեն մայիսի 29-ին...
Հնարավոր է՝ Նուրսուլթան Նազարբաեւը ԵՏՄ-ում բարձր պատվավոր պաշտոն զբաղեցնի
Նազարբաեւին կշնորհեն կազմակերպության պատվավոր նախագահի տիտղոսը…
Ռուսաստանն օրակարգից չի հանում ԵՄ-ի եւ ԵՏՄ-ի միջեւ շփումների հաստատման խնդիրը. Լավրով
Փորձագիտական առաջին քայլերը, բայց դեռեւս տեխնիկական մակարդակում, արդեն արվել են…
Կառավարությունը հավանություն տվեց ԵՏՄ-ի եւ Չինաստանի սահմաններով ապրանքների փոխադրման վերաբերյալ համաձայնագրին
Հարցը ներկայացրեց ՊԵԿ նախագահ Դավիթ Անանյանը՝ նշելով. «Տեղեկատվությունը փոխանակվելու է միասնական հարթակով…