News
Լրահոս
News
Երեքշաբթի
Հունվար 22
Տեսնել լրահոսը

Արցախի հակամարտության կարգավորման գործում Հայաստանի նոր իշխանությունների դիրքորոշումը դեսպան Արման Կիրակոսյանը նոյեմբերի 8-ին ներկայացրել է ԵԱՀԿ Մշտական խորհրդի 1200-րդ նիստին։ Այս մասին NEWS-am-ը տեղեկանում է ԱԳՆ լրատվության վարչությունից։ 

ԵԱՀԿ-ում Հայաստանի մշտական ներկայացուցչության ղեկավարը առանձնացրել է մի շարք կարևոր կետեր։

Առաջին, Արցախի ժողովրդի կարգավիճակն ու անվտանգությունը հակամարտության լուծման առանցքային հարցերից են և հանդիսանում են Հայաստանի բացարձակ առաջնայնությունը:

Երկրորդ, Արցախի ժողովուրդն ու իշխանությունները պետք է վճռական ձայն ունենան հակամարտության կարգավորման գործում: Արցախի և նրա ժողովրդին հակամարտության կարգավորման գործընթացից օտարելու ցանկացած փորձ հակասում է թե՛ հակամարտության ծագման պատճառներին, թե՛ առկա իրականությանը: Արցախը բնակեցված է իր բնիկ ժողովրդի կողմից, որը պատմականորեն մշտապես բացարձակ մեծամասնություն է կազմել, ներառյալ` հակամարտության բոլոր փուլերում:

Երրորդ, Հայաստանը շարունակում է աջակցել Մինսկի խմբի համանախագահների` Ռուսաստանի, ԱՄՆ-ի և Ֆրանսիայի, ջանքերին, որոնք ուղղված են հակամարտության բացառապես խաղաղ հանգուցալուծմանը:

Չորրորդ, հակամարտությունը չի կարող ունենալ ռազմական լուծում և ռազմական սցենարները պետք է անվերապահորեն մերժվեն: 2016թ. ապրիլի ռազմական արկածախնդրությունը բացասական ազդեցություն ունեցավ խաղաղ գործընթացի վրա: Ներկայիս դրական դինամիկային, որը ձևավորվել է վերջին հանդիպումների և Դուշանբեում ձեռք բերված պայմանավորվածությունների արդյունքում, պետք է հետևի Վիեննայում, Սանկտ Պետերբուրգում և Ժնևում արդեն իսկ համաձայնեցված վստահության և անվտանգության ամրապնդման միջոցառումների իրականացումը, որի հետևանքով պետք է ամրապնդվի ԵԱՀԿ ներկայությունը հակամարտության գոտում:

Հինգերորդ, խաղաղությանը նպաստող միջավայրի ստեղծումը պահանջում է ոչ միայն լարվածության նվազեցում և մոնիտորինգային մեխանիզմների ներդրում, այլև ժողովուրդներին խաղաղության նախապատրաստում: Թշնամական հռետորաբանությունն ու առավելապաշտական դիրքորոշումները կասկածի տակ են դնում փոխզիջման հնարավորությունները:

Դեսպան Արման Կիրակոսյանը ընդգծել է, որ 2018թ. նշանավորվում է կարևոր տարեդարձով. 1988թ. փետրվարին ժողովրդական պատգամավորների Լեռնային Ղարաբաղի ինքնավար մարզի մարզային խորհուրդը որոշում կայացրեց` խնդրելով Խորհրդային Հայաստանին և Խորհրդային Ադրբեջանին ըմբռնումով մոտենալ Ղարաբաղի հայ բնակչության կամքին և իղձերին ու համաձայնել մարզը Ադրբեջանի կազմից Հայաստանի կազմ տեղափոխելու հետ: Ինքնորոշման այս հայտին ի պատասխան Ադրբեջանն իրականացրեց բռնություններ, տեղահանումներ և ոճրագործություններ, սանձազերծեց պատերազմ:

Դեսպան Կիրակոսյանն նշել է նաև, որ հայ ժողովուրդն այսօր էլ մեծապես արժևորում է ժողովրդավարությունն և մարդու իրավունքների պաշտպանությունը, ինչը փաստվեց այս գարնանը Հայաստանում խաղաղ և ժողովրդավարական փոփոխություններով, որի արդյունքում այս դեկտեմբերին կայանալու են արտահերթ խորհրդարանական ընտրություններ:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանը հետայսու եւս կշարունակի իր կառուցողական ներգրավվածությունը ԵԱՀԿ բոլոր մարմիններում. Արմեն Պապիկյան
ԵԱՀԿ Հայաստանի առաքելության ղեկավար Արմեն Պապիկյանի հանդիպումը ԵԱՀԿ Գլխավոր քարտուղար Թոմաս Գրեմինգերի հետ…
Արցախում ոչ ոք լրջությամբ չի դիտարկի Լավրովի պլանը․ Կարեն Օհանջանյան
Վերջերս հայկական բանակում սպայական կազմի լուրջ, ոչ մտածված կրճատումները հսկայական վնաս են հասցնում անվտանգության ամբողջ համակարգին․․․
Բաքուն ղարաբաղյան հակամարտության լուծման հարցում հույսը Մոսկվայի հետ է կապում․ Փոլադ Բյուլբյուլօղլի
Ռուսաստանի Դաշնությունը, որպես մեր տարածաշրջանի ամենախոշոր եւ հզոր երկիր․․․
ԵԱՀԿ ՄԽ համանախագահների հայտարարությունը նոր լավ մոռացված տարրեր է պարունակում. Ստեփանակերտ
Իրականում նոր տարրերը լավ մոռացված հինն են, որոնք քանիցս հայտնվել են հակամարտության կարգավորման գործընթացի տարբեր փուլերում…
Մնացականյան–Մամեդյարով հանդիպումը տևել է ավելի քան չորս ժամ
Տեղի է ունեցել մտքերի օգտակար և կառուցողական փոխանակում...
Զոհրաբ Մնացականյանը հանդիպել է Մինսկի խմբի համանախագահների հետ
Զրուցակիցները մտքեր են փոխանակել իրենց հանդիպումից հետո տեղի ունենալիք Հայաստանի և Ադրբեջանի արտգործնախարարների հանդիպման վերաբերյալ...
Ֆոտոռեպորտաժներ