News
Լրահոս
News
Երեքշաբթի
Հունվար 22
Տեսնել լրահոսը


«Ես շատ կուզենամ, որ այս ընտրությունները մնան իրենց բուն բովանդակության մեջ, լինեն ԱԺ ընտրություններ, ոչ թե Նիկոլ Փաշինյանի վարչապետ ընտրելու ընտրություն»․- այս մասին այսօր՝ նոյեմբերի 10-ին, լրագրողների հետ զրույցում ասաց «Հանրապետություն» կուսակցության նախագահ Արամ Սարգսյանը։

«Եթե այս ընտրություններն էլ նախորդ՝ քաղաքապետի ընտրությունների նման ընթանան՝ ուժերին հեղափոխականների եւ հակհեղափոխականների բաժանելով, անկախ նրանից, թե փող է բաժանվել, թե ոչ, ադմինիստրատիվ ռեսուրս օգտագործվել է, թե ոչ, իմ կարծիքով, չեն լինի արդար։ Իսկ եթե ընտրություններում չկիրառվի այդ, լինի բանավեճի ինստիտուտ, որտեղ մարդիկ գան, իրենց տեսակետը հայտնեն, մեր հանրությունը ընտրելու հնարավորություն կունենա, մտածելու հնարավորություն կունենա»,– ասաց Արամ Սարգսյանը։

Նա չբացառեց «Մենք» դաշինքի ցուցակում նաեւ ԵԿՄ-ականների ներկայությունը. «ԵԿՄ–ում կան մարդիկ, որոնք եւ՛ հայրենիքին են ծառայություն մատուցել, եւ՛ կիսում են իմ գաղափարները, եւ կարող են լինել մեր ցուցակում։ Բայց եթե կան ԵԿՄ-ականներ, որոնք կիսում են «Դաշնակցության» գաղափարները, ապա կլինեն դաշնակցության ցուցակում, շատերը կլինեն ՔՊ ցուցակում, քանի որ Սասուն Միքայելյանն էլ է այնտեղ։ Եկեք այս խնդիրները հանգիստ թողնենք, քանի որ նախկինում էր, երբ ԵԿՄ-ն օգտագործվում էր իշխանության համար․ ԵԿՄ-ի վրա միայն կարող է ազդեցություն ունենալ Պաշտպանության նախարարությունը, որը համագործակցում է ԵԿՄ–ի հետ»։

Արամ Սարգսյանի խոսքով՝ իրենք չեն պայքարում, որ գան իշխանության, քանի որ հանրությունն ընտրել է Նիկոլ Փաշինյանին, եւ իրենք վարչապետի պաշտոնին չեն հավակնում։

Հիշեցնենք, որ «Հանրապետություն» և «Ազատ դեմոկրատներ» կուսակցությունները այսօր՝ նոյեմբերի 10-ին, հուշագիր են ստորագրել, որի համաձայն՝ Ազգային Ժողովի արտահերթ ընտրություններին կմասնակցեն դաշինքով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանում բարեփոխումներից ակնկալիքները հսկայական են․ դիտորդական առաքելության ղեկավար
«Բարեփոխումների եւ կյանքի պայմանների բարելավման հանդեպ ակնկալիքները մեծ են»․․․
ԿԸՀ նախագահին արդյոք մտահոգո՞ւմ է նորընտիր պատգամավորների անփորձությունը. Մուկուչյանի անձնական կարծիքը
«Այս փաստը, ինձ որպես Հայաստանի քաղաքացու, բացարձակապես չի անհանգստացնում, քանի որ այս խորհրդարանը․․․
Պատգամավորները հանդիսավոր արարողությամբ ստանում են մանդատները (ֆոտո)
Ալ. Սպենդիարյանի անվան օպերայի և բալետի ազգային ակադեմիական թատրոնում այս պահին ընթանում է հանդիսավոր արարողություն...
ԿԸՀ. Հայաստանի 7-րդ գումարման խորհրդարանի պատգամավորներին մանդատների հանձնումն ավելի շատ խորհրդանշական միջոցառում է
Հայաստանի 7-րդ գումարման խորհրդարանի պատգամավորներին մանդատների հանձնումն ավելի շատ խորհրդանշական միջոցառում է․․․
Սա «Իմ քայլի» քաղաքական որոշումն է. Գորգիսյանը՝ Փաշինյանի հայտարարության մասին
Որեւէ կերպ չի սահմանվում, որ առավել շատ ձայներ ստացած ընդդիմադիր քաղաքական ուժը պետք է ստանա այդ պաշտոնը...
Հայտնի է նորընտիր պատգամավորների մանդատների հանձման հանդիսավոր արարողության օրը եւ վայրը
Ա. Սպենդիարյանի անվան օպերայի և բալետի ազգային ակադեմիական թատրոնի շենքում…
Ֆոտոռեպորտաժներ