News
Լրահոս
News
Չորեքշաբթի
Նոյեմբեր 21
Տեսնել լրահոսը

Ավստրիայի նախագահը եւ ավստրիական բանակի գերագույն գլխավոր հրամանատար Ակեքսանդեր Վան դեր Բելենը չի պատրաստվում Փարիզում Ռուսաստանի նախագահ Վլադիմիր Պուտինի հետ քննարկել ավստրիացի պահեստազորի սպայի գործը, ում Վիեննան կասկածում է Ռուսաստանի օգտին լրտեսության մեջ, փոխանցում է ՏԱՍՍ-ը:

«Ո՛չ: Երբ մի քանի տասնյակ պետությունների ղեկավարներ եւ նախագահներ կլինեն Փարիզում, Պուտինի հետ երկկողմ հանդիպում չի նախատեսվում»,- ավստրիական О-1 հանրային ռադիոյի եթերում ասել է Վան դեր Բելենը՝ պատասխանելով հարցին՝ ՌԴ նախագահի հետ արդյոք կքննարկի՞ լրտեսության մեջ կասկածվող ավստրիացի պահեստազորի գնդապետի գործը:

Վան դեր Բելենը նաեւ կոչ է արել Ռուսաստանի հետ հարաբերությունները չդրամատիզացնել:

«Դա (լրտեսության մեջ կասկածելու գործը) նախ պետք է քննել: Տեսնենք դրա մեջ կա՞ շատ ավելի մեծ բան, քան, այսպես ասած, մոգոնած պատմությունը, այդ ժամանակ անհրաժեշտ կլինի համապատասխան միջոցներ ձեռնարկել,- պատասխանել է երկրի նախագահը: - Հիմա հարկավոր է քննել՝ դա արդյոք ճի՞շտ է, արդյոք մեղադրանքը ճի՞շտ է, ի՞նչ տեղեկությունների է հասանելիություն ունեցել սպան, սա արդյոք վերաբերո՞ւմ է ավստրիական ազգային գործերին, թե՞ դա վերաբերում է տարբեր բանակցություններին, օրինակ՝ ՆԱՏՕ-ի հետ, այս ամենը պետք է պարզել: Ներկա պահին ես դա դրամատիզացնելու առիթ չեմ տեսնում»:

Նրա խոսքով՝ ավելի լավ կլիներ, որ պահեստազորի սպայի ենթադրյալ գործունեությունը բացահայտված լիներ ավստրիական հետախուզության կողմից, բայց հենց նման դեպքերի համար գոյություն ունի գործընկեր հատուկ ծառայությունների հետ համագործակցությունը:

Ավստրիայի զինված ուժերի գերագույն գլխավոր հրամանատարը ընդհանուր առմամբ գոհ է երկրի հատուկ ծառայությունների աշխատանքից:

Նոյեմբերի 11-ին Փարիզում կանցկացվի Առաջին աշխարհամարտի ավարտի 100-ամյակին նվիրված հանդիսություն: Դրանից բացի, այնտեղ կբացվի Խաղաղության փարիզյան համաժողովը: Միջոցառումներին կմասնակցեն ՌԴ եւ Ավստրիայի նախագահներ Վլադիմիր Պուտինը եւ Ալեքսանդեր Վան դեր Բելենը:

!
Այս նյութը հասանելի է նաև   Русский
Տպել
Partner news