Վայոց Ձորում, նոյեմբերի 10-ին, խոշոր ու ողբերգական ավտովթար է տեղի ունեցել. ժամը 19:50-ի սահմաններում, Երեւան-Մեղրի ավտոճանապարհի 118.8 կմ հատվածում բախվել են 29-ամյա Վարդան Մ.-ի վարած Mitsubishi Pajero io մակնիշի 077 СМ 01 համարանիշի եւ 34-ամյա Վահե Վ.-ի վարած BMW մակնիշի 35 ՕX 598 համարանիշի ավտոմեքենաները:

Shamshyan.com-ի  փոխանցմամբ, վթարի հետեւանքով 2 վարորդները մարմնական վնասվածքներով տեղափոխվել են «Եղեգնաձոր» բժշկական կենտրոն, որտեղ որոշ ժամանակ անց BMW-ի վարորդը մահացել է:

ԱԻՆ-ի փրկարարները BMW-ի միջից դուրս են բերել վարորդին՝ օտգագործելով հատուկ տեխնիկա: Բախման հետեւանքով BMW-ն հարվածել է ծառին, իսկ Mitsubishi Pajero-ն էլ դուրս է եկել երթեւեկելի գոտուց եւ կողաշրջվել: