Բունդեսվերում բացահայտել են մոտ 200 զինծառայողներից կազմված խմբի, որը քաղաքական սպանություններ էր նախապատրաստում, հաղորդում է Medusa-ն՝ հղում կատարելով Focus-ին:
Հրապարակման համաձայն, քննությունը վարում է Գերմանիայի Դաշնային քրեական ոստիկանության վարչությունը: Խուզարկության ընթացքում հայտնաբերվել են զենքի զինանոցներ եւ վառելիքի պաշարներ:
Ըստ Focus-ի տվյալների, մարդկանց թվում, որոնց դեմ մահափորձեր էին նախատեսվում, Բունդեսթագում ձախերի առաջնորդ Դիտմար Բարչն է: The Daily Mail-ը նշում է, որ ցուցակում եղել են նաեւ Գերմանիայի արտաքին գործերի նախարար Հայկո Մաասը, նախկին նախագահ Յոախիմ Գաուկը եւ Կանաչների առաջնորդներից մեկը` Կլաուդիա Ռոտը:
Բացի այդ, հարձակումներ էին նախատեսվում ներգաղթյալների միավորումների ղեկավարների վրա: The Daily Mail-ը դավադրության մասնակիցներին անվանում է նեոնացիստներ:
Focus-ը հաղորդում է, որ դավադրությունը հաջողվել է բացահայտել Ֆրանկո Ա. անունով մարդու գործի հետաքննության ընթացքում:
Ամենայն հավանականությամբ, խոսքը կասկածյալի մասին է, որը ձերբակալվել է 2018 թվականի ապրիլին: Ֆրանկո Ա.-ն բունդեսվերի սպա է, նա կասկածում է ռասայական ատելության հողի վրա բռնի հանցագործություններ պատրաստման մեջ: