Կիրակի օրը հզոր ցիկլոնը հարեւան Սաուդյան Արաբիայից եւ Քուվեյթից հետո ծածկել է կատարը՝ իր հետ բերելով սելավներ ու կայծակ, ինչը այստեղ մի քանի տարի չէին տեսել՝ տեղեկացնում է ՌԻԱ Նովոստին։

Արեւային եղանակին միանգամից փոխարինել է մութը, երկնքում սեւ ամպեր են կուտակվել, լսվել են ուժեղ որոտներ, սելավ է տեղացել եւ փայլատակել է կայծակը։

Անձրեւատար խողովակների բացակայության պատճառով արձրեւաջրերը Դոհայի փողոցներն անանցանելի գետերի են վերածել, ինչի հետեւանքով կենտրոնական մայրուղիներում երկար խցանումներ են առաջացել։

Անցյալ տարվա աշնան եւ ձմռան ամիսներին Կատարում ընդամենը մեկ-երկու անգամ թույլ անձրեւ է տեղացել, այն էլ՝ 10 րոպեից ոչ ավել։

Հինգշաբթի օրվանից Պարսից ծոցի շրջանում առատ անձրեւներ են տեղում, որոնք շոգ երկրների անպատրաստ ենթակառուցվածքների պատճառով ճանապարհներին փլուզումների, սեփական տներում եւ պետական հիմնարկներում էլեկտրաէներգիայի խափանումների են հանգեցնում։ Քուվեյթի հպատակներին աղետի կողմից հասցված լուրջ նյութական վնասների համար պաշտոնից հեռացվել է էմիրության հասարակական աշխատանքների նախարարը։