Կամերային երաժշտական թատրոնի տնօրեն, Երեւանի ավագանու ԲՀԿ խմբակցության անդամ, նախկին լրագրող Հռիփսիմե Առաքելյանը մասնակցելու է դեկտեմբերի 9-ին կայանալիք խորհրդարանական ընտրություններին։
Այս առնչությամբ, նա Facebook-ի իր էջում գրել է. «Սիրելի ընկերներ ջան, դեկտեմբերի 9-ի արտահերթ խորհրդարանական ընտրություններում, պատգամավորության թեկնածու եմ առաջադրվելու թիվ 1 ընտրատարածքում (Ավան, Նոր Նորք եւ Քանաքեռ-Զեյթուն վարչական շրջաններ) «Բարգավաճ Հայաստան» կուսակցության կողմից՝ ռեյտինգային ընտրակարգով։ Հավատում եմ,որ անպայման կաջակցեք ինձ»:
Նշենք, որ Հռիփսիմե Առաքելյանը Երեւանի ավագանու ԲՀԿ խմբակցության 5 անդամներից մեկն է. պատգամավոր ընտրվելու դեպքում նրա փոխարեն Երեւանի ավագանու ԲՀԿ խմբակցությունը նոր անդամ կունենա:
