Վրաստանի իշխող «Վրացական երազանք» կուսակցությունից նախագահի թեկնածու Սալոմե Զուրաբիշվիլին հայտարարել է, որ իրեն ու իր երեխաներին սպառնում են, հաղորդում է «Ռուսթավի 2» հեռուստաալիքը:
Ըստ նրա, նա եւ իր ընտանիքը սպանության սպառնալիքներով հաղորդագրություններ են ստանում: Զուրաբիշվիլին նշել է, որ նա եւ իր երեխաները ստացել են ձայնային հաղորդագրություններ:
Սալոմե Զուրաբիշվիլիի խոսքով, այդ ձայնային հաղորդագրությունների հեղինակների ինքնությունն արդեն պարզվել է, եւ նրանք նախկին զինվորականներ են, որոնք կապված «Միացյալ ազգային շարժման» հետ:
Sputnik-Վրաստանը նշում է, որ Սալոմե Զուրաբիշվիլին երկու երեխա ունի, որդի՝ Թեյմուրազը եւ դուստր՝ Կետեվանը: Նրանք մեծացել են Փարիզում, որտեղ ծնվել եւ մեծացել է իրենց մայրը: Թեյմուրազը 23 տարեկան է, Կետեվանը նրանից փոքր է: Թեյմուրազը որոշել է կյանքը նվիրել դիվանագիտությանը: Այս պահին նա ապրում է Նյու Յորքում եւ աշխատում է ՄԱԿ-ի առաքելությունում: Կետեվանն ապրում է Փարիզում, որտեղ տեղական հեռուստաալիքներից մեկում հաղորդավար է աշխատում:
Վրաստանի նախագահական ընտրությունների երկրորդ փուլը, որին մասնակցում է Զուրաբիշվիլին եւ նախկին իշխող «Միացյալ ազգային շարժմում» կուսակցության թեկնածու Գրիգոլ Վաշաձեն, պետք է տեղի ունենա մինչեւ դեկտեմբերի 2-ը:
