Մարտի 1-ի քաղաքական հետեւանքները վերացված են: Այս մասին, այսօր՝ նոյեմբերի 12-ին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր, ՀՀԿ փոխնախագահ Արմեն Աշոտյանը:
Նրա խոսքով,
«Նույն Լեւոն Տեր-Պետրոսյանի ապրիլյան պատերազմի, «Սասնա ծռերի» ժամանակ եղած հայտարարությունները, Ալեքսանդր Արզումանյանի դեսպան նշանակվելը եւ բազմաթիվ այլ դեպքերով կարող ենք ասել, որ քաղաքական զարգացումների վրա «Մարտի 1»-ը այդ ազդեցությունը չի թողել: Սա անեկբա ճշմարտությունը է»,-հայտարարեց Աշոտյանը:
Դիտարկմանը, թե մեղավորները այդպես էլ պատասխանատվության չեն ենթարկվել, Աշոտյանը հիշեցրեց, որ վարչապետի պաշտոնակատար Նիկոլ փաշինյանը հայտարարել է, որ գործը բացահայտված է. «Նրան հարցրեք, թե եթե ասել եք՝ բացահայտված է, ինչու է գործը շարունակվում: Այդ ոնց է բացահայտված: Ինչու պետք է վարչապետն իմանա՝ գործը բացահայտված է, թե ոչ: Որտեղ է գրված, որ ուժայինները պետք է զեկուցեն, թեբանկային հաշիվներին ինչքան փող կա, գործը բացահայտված է, թե ոչ, ում ինչ կոռուպցիան բանի մեջ են մեղադրում»,-ասաց նա:
