News
Լրահոս
News
Երեքշաբթի
Փետրվար 19
Տեսնել լրահոսը

ՎիվաՍել-ՄՏՍ-ն իր երկարաժամկետ գործունեության արդյունքում արձանագրել է երկու հիմնարար ձեռքբերում, որոնք կարեւոր են թե՛ ՎիվաՍել-ՄՏՍ-ի համար,  իբրեւ  ընկերություն, եւ  թե՛ Հայաստանում հեռահաղորդակցության ոլորտի ընկերության կառավարումը միջազգային  ստանդարտներին  համապատասխանեցնելու առումով:

Այսպես՝  առաջին  անգամ  Հայաստանում, կոմերցիոն  ընկերության կողմից թողարկվել է  կորպորատիվ  պատասխանատվության տարեկան  զեկույց,  այս  անգամ՝ հիմնված GRI (Global Reporting Initiative) համաշխարհային  հեղինակավոր  կառույցի  սահմանած ստանդարտների վրա: Զեկույցը չի սահմանափակվում ընկերության  սոցիալական  ու  բնապահպանական գործունեության  նկարագրությամբ:  Այստեղ  ներկայացված  են  ինստիտուցիոնալ այն հիմքերը, որոնց վրա կառուցված  է ընկերության  գործունեությունը՝ համաձայն  Կորպորատիվ պատասխնատվության ISO 26000  համաշխարհային  ուղեցույցների: Այդ հիմքերն են՝ տեղեկատվական  անվտանգությունն  ու  տվյալների գաղտնիությունը, էներգիայի  չվերականգնվող ռեսուրսների արդյունավետ օգտագործումն ու խնայողությունը՝ արեւային  էներգիայի  օգտագործման շնորհիվ, գործարար  էթիկան, համայնքների  զարգացումը, ռիսկերի կառավարման  համար  նախատեսված  համակարգերը, եւ այլն:

Ամենակարեւոր ձեռքբերումը, որ արձանագրել է ՎիվաՍել-ՄՏՍ-ը, առաջին անգամ Հայաստանոմ, դա ընկերությունում ներդրված հակակոռուպցիոն  կառավարման ու կաշառակերության  կանխարգելմանն  ուղղված  համակարգերի համապատասխանությունն է ISO 37001  եւ  ISO 19600 միջազգային ստանդարտներին: Սա ամրագրված է ընկերությանը շնորհված վկայականներով՝ «International Compliance Association» մասնագիտացված կազմակերպության կողմից իրականացված աուդիտորական ստուգման արդյունքնում:

Վերը նշված պարբերական ստուգումները անցնելու՝ ՎիվաՍել-ՄՏՍ-ի պատրաստակամությունը, ոչ միայն ուղղված է ռիսկերի վաղ բացահայտմանը, այլեւ օգնում է կանխարգելել խնդիրները՝ նախքան դրանք կվերածվեն ճգնաժամերի: Ավելին՝ բիզնեսի տեսանկյունից՝ ISO 37001 եւ ISO 19600 միջազգային ստանդարտներին համապատասխանությունը նաեւ ռազմավարական միջոց է՝ հեռահաղորդակցության ոլորտում մրցակցային այնպիսի առավելություն պահպանելու համար, որը պարզապես անհնար է կրկնօրինակել:

ՎիվաՍել-ՄՏՍ-ի ֆեյսբուքյան էջից տարածված տեսաուղերձում, ՎիվաՍել-ՄՏՍ-ի գլխավոր տնօրեն Ռալֆ Յիրիկայնը, մասնավորապես, նշում է. «ISO 37001 եւ ISO 19600 միջազգային վկայականներ ստանալը, ինչպես նաեւ GRI չափանիշների կիրառումը ԿՍՊ զեկույցում, ոչ թե Հայաստանում գործող  ընկերությունների  համար  իրավական պահանջներ են, այլ ՎիվաՍել-ՄՏՍ-ի՝ միջազգային մակարդակում կորպորատիվ կառավարման ամենաբարձր չափանիշներին  համապատասխանելու  ցանկությունն  ու  կամքը»: «ՎիվաՍել-ՄՏՍ-ի  համար  արդյունավետ  գործունեության  չափանիշը  ոչ  միայն  առաջատար դիրքերն  են  հայաստանյան  շուկայում,  այլեւ  գործունեության  մեջ  միջազգային  ամենախիստ ստանդարտների,  այստեղ  ուզում  եմ հատուկ  ընդգծել՝ հենց  կամավո՛ր  ներդրումը», - ասում է Ռալֆ Յիրիկյանը:

Լայն  հասարակությանը,  հայաստանյան  ու  միջազգային  փորձագետներին  ու  ԶԼՄ-ներին ՎիվաՍել-ՄՏՍ-ի գլխավոր տնօրենն առաջարկում  է  ծանոթանալ  GRI  ստանդարտներին  համապատասխան ստեղծված զեկույցին, եւ ներկայացնել  դիտարկումներ ու առաջարկներ՝  ընկերության  գործընթացներն  էլ ավելի  արդյունավետ  դարձնելու  նպատակով:

«Սոցիալապես պատասխանտու լինելու տեսանկյունից կարեւոր է  ոչ  միայն  այն, թե  ի՛նչ  է  իրականացնում ընկերությունը եւ նյութական  ի՛նչ  ռեսուրսներով,  այլեւ այն,  թե  ինչպե՛ս է  դա  իրականացվում», - եզրափակում է Ռալֆ Յիրիկյանը:

Տպել
Կարդացեք նաև
Ամբողջը
ՎիվաՍել-ՄՏՍ. հրապարակվել են ամրակցված և շարժական կապի ծառայությունների հասանելիության մասին տեղեկությունները
Ընկերության հանրային էլեկտրոնային հաղորդակցության շարժական կապի ծածկույթ չունեցող բնակավայրերի ցանկի...
Տեսախցիկները դարձյալ կովկասյան հովազ են ֆիքսել Հայաստանում (ֆոտո)
Կովկասյան հովազի եւ վայրի այլ կենդանատեսակների շարժի տեսագրությունները կարեւոր փաստեր են՝ տարածքի պահպանությանն ուղղված քայլերը վերլուծելու եւ գնահատելու համար…
Եւս 67 էներգախնայող լուսարձակ․ ՎիվաՍել-ՄՏՍ-ը եւ FPWC հիմնադրամը շարունակում են լուսավորել սահմանամերձ Բերդավանը
2016 թվականից Բերդավանում իրականացվել է երկու ծրագիր, որոնց արդյունքում տեղակայվել է 202 LED լուսարձակ․․․
Սիրո տոներին ընդառաջ ՎիվաՍել-ՄՏՍ-ը նոր առաջարկով է հանդես գալիս
Առաջարկը գործում է մինչև ս.թ. փետրվարի 18-ը...
«X» եւ «Y» պլանների բաժանորդները կարող են անսահմանափակ օգտվել «Facebook» եւ «Instagram» հավելվածներից. ՎիվաՍել-ՄՏՍ
400 րոպե ցանցի ներսում, դեպի ՀՀ ցանցեր, 374 97 եւ 374 47 ցանցեր, դեպի ԱՄՆ եւ Կանադա, ՄՏՍ Ռուսաստան եւ Vodafone Ուկրաինա…
ՎիվաՍել-ը եւ FPWC-ն իրականացրել են սահմանապահ Դովեղ գյուղի փողոցների լուսավորության երկրորդ փուլը
Իրականացված ծրագրի արդյունքում, համայնքների զարգացումը կարեւոր առաջնահերթություն համարող գործընկեր կառույցների ջանքերով տեղակայվել է 131 LED լուսարձակ...