Կոտայքի մարզում, այսօր՝ նոյեմբերի 12-ին, խոշոր ավտովթար է տեղի ունեցել. ժամը 16։00-ի սահմաններում Ford մակնիշի X 452 YC 150 RUS համարանիշի ավտոմեքենայի վարորդը Հրազդան քաղաքի Զորավար Անդրանիկի պողոտայում՝ Ոստիկանության Կոտայքի մարզային վարչության դիմաց, դուրս է եկել ճանապարհի երթեւեկելի գոտուց, բախվել էլեկտրասյանն ու այնուհետեւ հսկայական եղեւնուն։

Shamshyan.com-ի փոխանցմամբ, վթարի հետեւանքով վարորդը, ում ավտոմեքենայից դուրս են բերել քաղաքացիներն ու ոստիկանները, օպերատիվորեն ժամանած Հրազդանի բժշկական կենտրոնի բժիշկների կողմից նախ տեղում առաջին բուժօգնությունն է ստացել, այնուհետեւ տեղափոխվել «Հրազդան» բժշկական կենտրոն։