Միջոցներ են ձեռնարկվում՝ պարզելու Երեւանի Շենգավիթ համայնքում առերևույթ հանցագործություն կատարած անձանց ինքնությունը։
Քննչական կոմիտեից հայտնում են, որ ըստ ՓԲ ընկերության ներկայացուցչի հաղորդման՝ 2018թ. օգոստոսի 25-ին՝ ժամը 18:40-ի սահմաններում, Երևան քաղաքում գործող առևտրի կենտրոններից մեկի խանութից ենթադրյալ հանցագործություն կատարած անձինք, միմյանց օժանդակելու շնորհիվ, առերևույթ գաղտնի հափշտակել են տղամարդու մեկ զույգ կոշիկ:
Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասի հատկանիշներով:
Նախաքննության ընթացքում ստացվել են դեպքի վայրի՝ տվյալ օրվա տեսագրությունները, ենթարկվել զննության:
Քրեական գործով բազմակողմանի, օբյեկտիվ և լրիվ քննությունն ապահովելու նպատակով միջոցներ են ձեռնարկվում՝ տեսանյութում պատկերված անձանց հայտնաբերելու ուղղությամբ։
Խնդրում ենք նշված անձին ներկայանալ վարույթն իրականացնող մարմնին կամ ովքեր ճանաչում են նրանց, որևէ տեղեկություն ունեն նրանց ինքնության կամ գտնվելու վայրի մասին, հայտնեն ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանների քննչական բաժին: