Ինդոնեզիայի մայրաքաղաք Ջակարտայում երեկոյան տոնավաճառի ժամանակ շրջվել են Սատանայի անիվ կոչվող կարուսելի երեք տաղավարները՝ նրանց մեջ եղած մարդկանց հետ միասին։ Դրանք շրջվել են կարուսելի ընթացքի ժամանակ, եւ անիվը միանգամից չեն կանգնեցրել՝ տեղեկացնում է NEWSru.com-ը։
Այնուհետեւ մի քանի մարդ բարձրացել է անիվի վրա, որպեսզի փրկի թակարդում հայտնվածներին, որոնց թվում երերխա կար։ Տուժածները ստիպված նստել են շրջված տաղավարների վրա՝ սպասելով օգնության։ Դեպքի հետեւանքով վիրավորների մասին ոչինչ հայտնի չէ։
Ջակարտայի ոստիկանությունը հարցաքննում է կարուսելի օպերատորներին։ Նախնական տվյալներով՝ տաղավարները շրջվել են ամրացնող պտուտակների հետ կապված տեխնիկական խնդիրների պատճառով։ Հետաքննությունը շարունակվում է։