7-րդ գումարման Ազգային ժողովում ընդդիմություն կարող է ձեւավորվել միայն ներկա գերիշխող քաղաքական ուժի միջից։ Այս մասին այսօր՝ նոյեմբերի 13-ին, լրագրողների հետ հանդիպմանն ասաց Հայաստանի դեմոկրատական կուսակցության նախագահ Արամ Սարգսյանը։
Նրա խոսքով՝ ՀՀԿ–ն ընդդիմություն համարվել չի կարող, քանի որ անհասկանալի է, թե ինչ են պատրաստվում նրանք պաշտպանել։ «Բոլոր խնդիրները, որոնք այսօր ՀՀԿ–ն բարձրացնում է, առաջ են եկել իրենց իսկ իշխանության օրոք, այդ թվում՝ սոցիալ–տնտեսական խնդիրները։ Նիկոլ Փաշինյանի քաղաքական ուժին ընդդիմություն լինելու համար նրանք չունեն գաղափարական կամ ծրագրային հիմք»,–շեշտեց Արամ Սարգսյանը։
Նրա համոզմամբ՝ նոր այլընտրանք կարող է ապահովվել, եթե Փաշինյանի «Քաղաքացիական պայմանագիր» կուսակցությունը տրոհվի։