Միացյալ Թագավորությունը եւ Եվրամիությունը Brexit–ի հարցով փաստացի պայմանավորվածության են հասել եւ առաջիկա 24-48 ժամվա ընթացքում կարող են համաձայնագիր կնքել, ասել է Մեծ Բրիտանիայի վարչապետի դե ֆակտո տեղակալը, փոխանցում է Reuters–ը։
«Դեռեւս մենք դրան չենք հասել։ Հիմա մենք փաստացի մեկ քայլ ենք դրանից հեռու»,–ասել է բրիտանական կառավարության քարտուղարության ղեկավար Դեւիդ Լիդինգթոնը։
Ի պատասխան հարցին, թե հնարավոր է՝ կողմերը պայմանագիր կնքեն մոտակա 24-48 ժամվա ընթացքում, Լիդինգթոնը ասել է. «Դա դեռ հնարավոր է, սակայն երաշխիքներ չկան։ Մենք չափավոր լավատեսություն ենք պահպանում»։
Լիդինգթոնը հրաժարվել է նշել, թե Միացյալ Թագավորությունը կսկսի լրջորեն սկսել ԵՄ–ից դուրս գալու պատրաստություններն առանց գործարքի, եթե կողմերին չհաջողվի համաձայնության հասնել չորեքշաբթի երեկոյան, ինչպես հայտնել են լրատվամիջոցները։