ԱՄՆ-ը դեռեւս կարող է նոր պատժամիջոցներ սահմանել, որպեսզի փորձի արգելափակել Բալթիկ ծովով դեպի Եվրոպական միություն «Հյուսիսային հոսք-2»-ի կառուցումը։ Այս մասին հայտարարել է ԵՄ-ում ԱՄՆ դեսպան Գորդոն Սոնդլենդը՝ տեղեկացնում է Reuters-ը։
Նրա խոսքերով՝ «Հյուսիսային հոսք-2»-ը երկրներին ավելի կախյալ կդարձնի Ռուսաստանից։ Նա նշել է, որ ԱՄՆ-ը դեռեւս «չի կիրառել իր գործիքների ամբողջական հավաքածուն, որոնք կարող են խափանել, եթե ոչ կանգնեցնել նախագիծը»։
Մենք հուսով ենք, որ նախագծին դիմակայումը բնական կլինի, որովհետեւ ԵՄ անդամ երկրները համաձայն են, որ ռուսական էներգետիկայից կախվածությունը լավ երկարաժամկետ հեռանկար եւ գեոքաղաքական լուծում չի հանդիսանում։ Եթե այս մոտեցումը չընդունվի, եւ նախագծի իրականացումը շարունակվի, ԱՄՆ նախագահը այն կանգնեցնելու շատ միջոցներ ունի»,- ասել է Սոնդլենդը։