Ռուսաստանն էներգետիկան պատմականորեն որպես «հարկադրման միջոց» է օգտագործել, եւ դա այսօր էլ շարունակվում է։ Այս մասին Բուդապեշտ իր այցի ընթացքում հայտարարել է ԱՄՆ էներգետիկայի նախարար Ռիկ Փերին՝ տեղեկացնում է Reuters-ը։
«Մենք այլեւս չպետք է թույլ տանք, որ Կրեմլը էներգիան որպես զենք օգտագործի»,- մամուլի ասուլիսում ասել է Փերին՝ ընդգծելով տարածաշրջանում էներգամատակարարումների դիվերսիֆիկացիայի կարեւորությունը։ Փերին այցելում է Արեւելյան Եվրոպայի երկրներ, քանի որ Թրամփի վարչակազմը ձգտում է խրախուսել գազի գնումը ԱՄՆ-ից կամ այլ մատակարարներից, բայց ոչ Ռուսաստանից։