News
Լրահոս
News
Չորեքշաբթի
Սեպտեմբեր 18
USD
476.1
EUR
524.47
RUB
7.42
ME-USD
0.09
Տեսնել լրահոսը


Նոյեմբերի 14-ին ՀՀ փոխվարչապետի պաշտոնակատար Տիգրան Ավինյանը մասնակցեց եւ բացման ելույթով հանդես եկավ «Հայաստանի էներգետիկ շաբաթ 2018» միջոցառմանը։

Ողջունելով հյուրերին՝ Տիգրան Ավինյանը նշեց, որ էներգետիկ շաբաթին մեծաթիվ շահագրգիռ ընկերությունների, ներդրողների, փորձագետների մասնակցությունը վկայում է այն նշանակալի հետաքրքրության մասին, որը ձեւավորվել է Հայաստանի էներգետիկայի ոլորտի նկատմամբ:

Փոխվարչապետի պաշտոնակատարը ասաց, որ Հայաստանի Հանրապետությունը չունենալով սեփական վառելիքաէներգետիկ ռեսուրսներ՝ մեծ կարեւորություն է տալիս վերականգվող էներգետիկայի ներուժի օգտագործմանը: Այս նպատակով կառավարությունը տնտեսության զարգացման առաջնահերթություններից է համարում վերականգնվող էներգետիկայի զարգացումը։  Սրան են ուղղված բոլոր քայլերը՝ ներառյալ օրենսդրական դաշտի բարելավումը, կանխատեսելի սակագնային քաղաքականությունը ու ներդրողների հետ տարվող աշխատանքները: Ստեղծվում է հարմարավետ միջավայր էներգետիկայի ոլորտում ներդրումների համար, ինչի արդյունքում էլ ավելի կբարձրանա երկրի էներգետիկ անվտանգության եւ անկախության մակարդակը:

Տիգրան Ավինյանի խոսքով՝ Հայաստանում հետեւում են  էներգետիկայի բնագավառում տարածաշրջանային զարգացման միտումներին, որպեսզի արդյունավետ կերպով իրացվեն մեր մրցակցային առավելությունները եւ տարածաշրջանի մյուս երկրների հետ փոխշահավետ համագործակցություն հաստատվի: Խոշոր ենթակառուցվածքային ծրագրերը, նոր էներգետիկ հզորությունների ստեղծումը ուղղված են վերը նշված նպատակին:

Այս առումով, շարունակվելու են Հայաստան-Իրան եւ Հայաստան-Վրաստան բարձրավոլտ էլեկտրահաղորդման գծերի կառուցման ծրագրերը, որոնց գործարկումը զգալի  դրական ազդեցություն  կունենա երկրի տնտեսության զարգացման վրա:

Կառավարությունը ձեռնամուխ է եղել Հայաստանի էլէներգիայի շուկայի փուլային ազատականացման գործընթացին:  Էլէներգիայի շուկայի նոր եւ ազատական մոդելին անցումը թույլ կտա խոշոր սպառողների, էլեկտրաէներգիայի մատակարարների եւ թրեյդերների մուտքը շուկա, ինչը մրցակցային միջավայրի զարգացման ու ներդրումների ներգրավման համար հիմքեր կստեղծի: Ազատական շուկայի մոդելին անցումը հնարավորություններ կստեղծի միջպետական առեւտրի համար:

Փոխվարչապետի պաշտոնակատարը ընդգծեց, որ էներգախնայողությունը եւ էներգարդյուավետությունը եւս կառավարության քաղաքականության կարեւոր ուղղություններից են: Փաստացի, էներգախնայողության մեծ ներուժ ունեն Հայաստանի տնտեսության բոլոր բնագավառները, մասնավորապես՝ տրանսպորտը, արդյունաբերությունը, բազմաբնակարան շենքերը, բյուջետային հանրային հատվածը, վառելիքաէներգետիկ բնագավառը: Անհրաժեշտ է քայլ առ քայլ ներդնել եւ նոր տեխնոլոգիաների կիրառմամբ ընդլայնել էներգախնայողության մշակույթը:

Վերջում Տիգրան Ավինյանը հավելեց, որ կայուն, խելացի էներգետիկան տնտեսության դինամիկ զարգացման կարեւորագույն պայմաններից մեկն է՝ ուղղված մարդկանց կյանքի բարելավմանը եւ կենսամակարդակի բարձրացմանը: Հայաստանի կառավարությունը բաց է համագործակցության համար եւ խրախուսում է ակտիվ երկխոսությունը եւ փոխգործակցությունը բոլոր ուղղություներով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լեհաստանը եւ Լիտվան «Հյուսիսային հոսք-2» գազատարի նախագիծը սպառնալիք են համարում էներգետիկ անվտանգությանը
Լեհաստանն ու Լիտվան անչափ նման դիրքորոշում ունեն՝ ասելով, որ «Հյուսիսային հոսք-2»-ի կառուցումը Եվրոպայի այս հատվածի էներգետիկ անվտանգության համար սպառնալիք է…
Սաուդյան Արաբիային կոչ են արել պատասխան տալ նավթային ճգնաժամի համար
Նա ենթադրել է, որ թագավորության ղեկավարությունը ստիպված է բացատրել՝ ինչպես էր հնարավոր նման հարձակում...
ՀՀ-ն ընտրել է միջուկային էներգիայի անվտանգ եւ խաղաղ օգտագործման թափանցիկ եւ բաց քաղաքականություն. Ս. Պապիկյան
Նախարարը շեշտել է, որ միջուկային էներգիայի խաղաղ նպատակներով անվտանգ օգտագործումը Հայաստանի համար եղել եւ շարունակում է մնալ առաջնահերթություն...
Նավթն էժանանում է
Նավթի համաշխարհային գներն իջնում են...
Մեզ պետք չէ մերձարեւելյան նավթ եւ գազ. Թրամփ
«Քանի որ վերջին մի քանի տարում մենք էներգետիկայի ոլորտում մեծ հաջողությունների ենք հասել (շնորհակալություն, պարոն նախագահ), մենք էներգիայի ցանցային արտահանող ենք...
ՕՊԵԿ-ը գնահատում է նավթի շուկայի վրա Սաուդյան Արաբիայի նավթային ենթակառուցվածքների վրա հարձակումների ազդեցությունը
Հաշվի առնելով նավթի գլոբալ պաշարների բարձր մակարդակն ու այն, որ բացակայում են դեֆիցիտի նշանները, ՕՊԵԿ-ը դեռեւս չի քննարկի որեւէ միջոց ձեռնարկելու հնարավորությունը…