News
Լրահոս
News
Չորեքշաբթի
Սեպտեմբեր 18
USD
476.1
EUR
524.47
RUB
7.42
ME-USD
0.09
Տեսնել լրահոսը


Արարատ Միրզոյանը կառաջադրվի թիվ երեք ՝ Շենգավիթ եւ Մալաթիա Սեբաստիա համայնքներն ընդգրկող ընտրատարածքում, որտեղից եւ նախորդ անգամ ռեյտինգային ընտրակարգով ԱԺ պատգամավոր էր ընտրվել։  Այս մասին նա հայտնեց այսօր՝ նոյեմբերի 14-ին, լրագրողների հետ զրույցում։

Հարցին,  թե ՀՀԿ–ական պատգամավորներ կան «Իմ քայլը»  դաշինքի նախընտրական ցուցակում, Միրզոյանը հայտնեց, որ 6-րդ գումարման ԱԺ տարբեր խմբակցությունների պատգամավորներ կան «Իմ քայլը» դաշինքի ցուցակում, ինչպես «Ելք»-ից, այնպես էլ մյուս խմբակցություններից։ Նա խորհուրդ տվեց սպասել մինչեւ 14.00–ն, երբ ցուցակը Կենտրոնական ընտրական հանձնաժողով կներկայացվեն։

Առաջին փոխվարչապետի պաշտոնակատարը հերքեց մամուլում շրջանառվող այն տեղեկությունները, թե վարչապետի պաշտոնակատար Նիկոլ Փաշինյանին ընտրական ցուցակը դուր չի եկել եւ նա պատռել է այն։ «Նման բան չի եղել»,–ասաց նա։

Նա ցուցակում թեկնածուների ճանաչելիության մասին հարցին ի պատասխան հայտնեց՝ ցուցակը կազմելիս փորձել են այնպես անել, որ ռեյտինգային ցուցակում տվյալ ընտրատարածքում ճանաչելի մարդիկ ընդգրկված լինեն։ «Կարող են լինել նաեւ բացառություններ, հուսով եմ, որ բոլոր թեկնածուները կկարողանան խոչընդոտները հաղթահարել եւ կհասցնեն ճանաչելի դառնալ ընտրատարածքի ընտրողների համար»։

Միրզոյանը հրաժարվեց կանխատեսել, թե իրենց քաղաքական ուժը քանի տեղ կունենա ապագա խորհրդարանում. «Չափազանց անշնորհակալ գործ է կանխատեսում անելը, այս օրերի ընթացքում ես շատ տարբեր թվեր եմ լսում, ըստ էության անիրատեսական ցածրից մինչեւ ոչ ողջունելի բարձր, ինքս ձեռնպահ կլինեմ թիվ նշելուց»։

Առաջին փոխվարչապետի պաշտոնակատարը շեշտեց՝ հստակ արձանագրել ենք, որ պետք է բացառել վարչական ռեսուրսի ապօրինի կիրառումը։

Նա ընդդիմություն կհամարի այն ուժերին, որոնք ընտրությունների արդյունքում կառավարության կազմում չեն լինի։«Մեզ ձեւական, գրպանային ընդդիմություն պետք չի եղել եւ պետք չի լինելու»,–եզրափակեց նա։

Տպել
Կարդացեք նաև
Ամբողջը
Հրապարակվել է ՀՀ ԱԺ արտահերթ ընտրությունների դիտորդական առաքելության ամոփիչ զեկույցը
«Ականատես» դիտորդական առաքելությունն առաջին անգամ իրականացրել է երկարաժամկետ դիտորդություն, որի ընթացքում 35 երկարաժամկետ դիտորդներ...
Որոշ հանձնարարականներ դեռ մնում են չկատարված. ԵԱՀԿ/ԺՀՄԻԳ զեկույցը՝ 2018-ի ԱԺ ընտրությունների մասին
Զեկույցի հեղինակներն ընդգծվում է, որ կուսակցություններն ու դաշինքները հնարավորություն են ունեցել ազատ քարոզարշավ իրականացնել. միավորումներ կազմելու, խաղաղ հավաքների, արտահայտման եւ տեղաշարժի…
ԿԸՀ նախագահ. Հայաստանում ընտրական գործընթացի ժամկետի խախտումներ չեն գրանցվել
ԿԸՀ-ն սեղմ ժամկետում է նախապատրաստվել արտահերթ խորհրդարանական ընտրություններին, ասել է Տիգրան Մուկուչյանը...
ՍԴ-ում ընտրությունների արդյունքների բողոքարկումը Հայաստանի ընտրական մշակույթի մաս էր. ԿԸՀ
Նա նշեց, որ սահմանադրական վիճարկման փուլում անգամ դեպքեր են եղել,երբ ոչ միշտ է պատշաճ ապացուցողական բազա ներկայացվել....
ԿԸՀ նախագահ. Ընտրական գործընթացի ժամկետների խախտումներ չեն հայտնաբերվել
ԿԸՀ նախագահ Տիգրան Մուկուչյանն ասել է, որ ընտրական գործընթացի ժամկետները չեն խախտվել...
ԱԺ պետաիրավական հանձնաժողովի արտահերթ նիստը. օրակարգում ԿԸՀ գործունեության հաղորդումն է
Նիստի ուղիղ հեռարձակմանը կարող եք հետեւել ...