Իրավիճակը փոխվել է, քանի որ նախկինում քաղաքացիների մոտ ինչ–որ անտարբերություն կար այս կամ այն ընտրության հանդեպ, իսկ այժմ նրանք անհանգստացած են։ Այս մասին այսօր՝ նոյեմբերի 14-ին, լրագրողների հետ հանդիպմանը հայտարարեց «Բարգավաճ Հայաստան» կուսակցության անդամ Արագած Ախոյանը։
Նրա կարծիքով՝ հին ԸՕ–ի պատճառով քաղաքացիները արտահերթ խորհրդարանական ընտրություններին կրկին կընտրեն բարեկամական կապերի սկզբունքով, ինչպես նախկինում։
Ախոյանը կարծում է, որ ռեյտինգային ընտրակարգը աբսուրդ է, քանի որ մրցակցության մեջ է դնում ոչ միայն քաղաքական ուժերի ներկայացուցիչներին, այլ նաեւ նույն կուսակցության անդամներին, որն անընդունելի է։