News
Լրահոս
News
Ուրբաթ
Դեկտեմբեր 14
Տեսնել լրահոսը


Էներգետիկ հանգույցի կարգավիճակը Հայաստանի համար լայն ներդրումային հնարավորություններ կստեղծի: Նոյեմբերի 14-ին այս մասին ասաց էներգետիկ ենթակառուցվածքների եւ բնական պաշարների նախարարի պաշտոնակատար Գարեգին Բաղրամյանը՝ ելույթ ունենալով «Հայաստանի էներգետիկ շաբաթ -2018» միջոցառմանը:

Նա նշեց, որ էներգետիկայի ոլորտը, լինելով Հայաստանի տնտեսության կարեւորագույն հատվածը, վերջին տարիներին նշանակալի արդյունքներ է արձանագրել էներգետիկ անվտանգության եւ կայուն եւ անխափան էլեկտրաէներգիայի մատակարարման ոլորտում:

«Միջազգային ֆինանսական կազմակերպությունների օժանդակությամբ համակարգային նշանակության բարձր լարման էլեկտրակայանները գրեթե ամբողջությամբ արդիականացվել են, էլեկտրահաղորդման գծերի շինարարության եւ վերակառուցման, նոր հզորությունների ստեղծման եւ նոր տեխնոլոգիաների ներդրման ուղղությամբ աշխատանքները շարունակվում են», - ասաց նախարարի պաշտոնակատարը:

Նա նշեց, որ Հայաստանը էներգետիկայի ոլորտում արդյունավետ համագործակցություն է հաստատել տարածաշրջանի այլ երկրների՝ Վրաստանի եւ Իրանի հետ, ինչի շնորհիվ 2020-2021 թվականներին շահագործման կհանձնվի Իրան-Հայաստան-Վրաստան էլեկտրահաղորդման գիծը: Այս նախագծերի իրագործումը, Բաղրամյանը հավելեց, որ Հայաստանի էներգետիկ հատվածը նոր մակարդակի վրա կբարձրացնի, թույլ կտա էլեկտրաէներգիայի տարանցում, էլեկտրաէներգիայի սեզոնային փոխանակում, տարածաշրջանում առեւտրային գործարքներ իրականացնել:

«Հայաստանի էներգետիկ համակարգը կամուրջ է, որը կապում է Եվրասիական տնտեսական միության (ԵՏՄ) երկրների եւ Իրանի էներգահամակարգերը, ինչը Հայաստանին լայն հնարավորություններ կտա պետական եւ մասնավոր հատվածներում ներդրումային նախագծերի իրականացման համար», - եզրափակեց նա:

2012 թվականին Հայաստանն ու Վրաստանը սկսեցին 400 կՎ էլեկտրահաղորդման գծի շինարարությունը, որը միացնի Վրաստանի Մառնեուլի ենթակայանը Հայաստանի Հրազդանի ՀԷԿ-ի հետ: Էլեկտրահաղորդման գծի միջոցով Վրաստանում արտադրվող էլեկտրաէներգիան Հայաստանի միջոցով կփոխանցվի Իրանին:

«Հայաստանի էներգետիկ շաբաթ-2018»-ը կտեւի նոյեմբերի 14-ից 16-ը: Կազմակերպիչներն են՝ Հայաստանի վերականգնվող էներգիայի եւ էներգաարդյունավետության հիմնադրամը եւ Invest In Network-ը: Միջոցառմանը մասնակցում են արտասահմանյան եւ տեղական պետական կառույցների, մասնավոր հատվածի, միջազգային կազմակերպությունների, ներդրողների, դիվանագիտական կորպուսների, փորձագետների 300-ից ավելի ներկայացուցիչներ:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԿԾԿՀ-ն համաձայնություն է տվել «Գազպրոմ Արմենիա»-ի 2019-2021 թթ ներդրումային ծրագիրը
Որոշումներն ուժի մեջ են մտնում «Գազպրոմ Արմենիա» փակ բաժնետիրական ընկերությանն օրենքով սահմանված կարգով իրազեկելուն օրվան հաջորդող օրվանից…
Նավթի համաշխարհային շուկայում առաջարկի դեֆիցիտը կարող է ավելի շուտ տեղի ունենալ, քան սպասվում էր
«2019 թ. նավթի պահանջարկի աճի կանխատեսումը օրական մնում է 1,4 մլն բարելի մակարդակում, չնայած այն հանգամանքին, որ նավթի գները զգալիորեն...
Թուրքիայում սկսվում է «Թուրքական հոսք» գազատարի մի հատվածի կառուցումը
Թուրքական հոսքն» անցնում է Սեւ ծովի հատակով․․․
«Ռոսատոմը» Ադրբեջանին առաջարկել է ԱԷԿ-ի շինարարության նախագիծ իրականացնել
Ըստ նրա, Մոսկվայի առաջարկած երկրորդ տարբերակը ենթադրում է միջուկային ոլորտում համագործակցության աստիճանական աճ...
Հունվարից գազի գինը չի բարձրանա. այս հարցը քննարկել են Փաշինյանն ու Պուտինը. Գարեգին Բաղրամյանը մանրամասնում է
Սանկտ Պետերբեւրգում այս հարցով զրույց է եղել ՀՀ վարչապետի ու ՌԴ նախագահ Վլադիմիր Պուտինի միջեւ, սակայն զրույցի մանրամասները նա հրաժարվում է հայտնել...
Վաշինգթոնը ճնշում է գործադրում Բաղդադի վրա, որպեսզի նա հրաժարվի իրանական գազից
Վաշինգթոնը Իրաքին տրամադրել է 45-օրյա ժամկետ, որպեսզի վերջինը նոյեմբերի 5-ին ուժիմեջ մտած պատժամիջոցներից հետո հրաժարվի իրանական գազից․․․
Partner news