News
Լրահոս
News
Չորեքշաբթի
Փետրվար 20
Տեսնել լրահոսը

«Իմ քայլը» դաշինքի համամասնական ցուցակում ընդգրկվել են հայտնի մարդկանց զավակներ։

Այսպիսով, ցուցակում են Բրյուսովի անվան լեզվահասարակագիտական համալսարանի նախկին ռեկտոր Սուրեն Զոլյանի որդին՝ Միքայել Զոլյանը, ԱԺ նախկին պատգամավոր Մյասնիկ Մալխասյանի որդին՝ Անդրանիկ Մալխասյանը։ «Իմ քայլ»–ում ընդգրկվել են նաեւ հայտնի մարզիկներ Առաքել Միրզոյանն ու Արսեն Ջուլֆալակյանը։ Ջուլֆալակյանը որպես անկուսակցական թեկնածու ՔՊ ցուցակի 57-րդ համարն է: Միրզոյանը նախկինում «Հանրապետական» կուսակցությունից է եղել, այժմ ՔՊ–ի ցուցակի 143–րդ համարն է, ներկայումս անկուսակցական։ 2 մարզիկներն էլ օլիմպիական չեմպիոնների որդիներ են: Արսեն Ջուլֆալակյանն Օլիմպիական խաղերի չեմպիոն, հունահռոմեական ոճի ըմբիշ Լեւոն Ջուլֆալակյանի որդին է, իսկ Առաքել Միրզոյանը՝ օլիմպիական խաղերի չեմպիոն ծանրորդ Հոկսեն Միրզոյանի որդին։

«Իմ քայլը» դաշինքի ցուցակում նաեւ ամուսիններ կան. «Ելք» խմբակցության ղեկավար Լենա Նազարյանը ցուցակի 3–րդ համարն է, իսկ ամուսինը՝ Նարեկ Բաբայանը՝ 38–րդ տեղում։

Նշենք, որ Նիկոլ Փաշինյանի ազգականները հայտնվել են ցուցակի նախավերջին համարներում։ 183 հոգանոց ցուցակի 181–րդ տեղում Փաշինյանի կնոջ՝ Աննա Հակոբյանի եղբայրն է՝ «Ելք» խմբակցության պատգամավոր Հրաչյա Հակոբյանը, իսկ 182–րդում՝ Սիփան Փաշինյանն է, որը Նիկոլ Փաշինյանի եղբորորդին է։

183 հոգանոց ցուցակում են նաեւ ՃՈ պետի տեղակալ Արմեն Խաչատրյանը, «Թրանսփարենսի ինթերնեյշնլ» հակակոռուպցիոն կենտրոնի իրավախորհրդատու Հերիքնազ Տիգրանյանը, «Լուսավոր Հայաստան» կուսակցությունը լքած Հայկ Կոնջորյանը։ Ցուցակում է Մարտի 1–ի փաստահավաք խմբի անդամ Անդրանիկ Քոչարյանը, քաղաքագետ Հովհաննես Իգիթյանը, մարկետինգի մասնագետ Էդգար Առաքելյանը։

«Իմ քայլի» ցուցակում են նաեւ Հանրապետական խմբակցությունն ամիսներ առաջ լքած Շիրակ Թորոսյանն ու Ֆելիքս Ցոլակյանը։

Տպել
Կարդացեք նաև
Ամբողջը
ՍԴ-ում ընտրությունների արդյունքների բողոքարկումը Հայաստանի ընտրական մշակույթի մաս էր. ԿԸՀ
Նա նշեց, որ սահմանադրական վիճարկման փուլում անգամ դեպքեր են եղել,երբ ոչ միշտ է պատշաճ ապացուցողական բազա ներկայացվել....
ԿԸՀ նախագահ. Ընտրական գործընթացի ժամկետների խախտումներ չեն հայտնաբերվել
ԿԸՀ նախագահ Տիգրան Մուկուչյանն ասել է, որ ընտրական գործընթացի ժամկետները չեն խախտվել...
ԱԺ պետաիրավական հանձնաժողովի արտահերթ նիստը. օրակարգում ԿԸՀ գործունեության հաղորդումն է
Նիստի ուղիղ հեռարձակմանը կարող եք հետեւել ...
2018 թվականի ընտրությունները բովանդակային առումով բացառիկ էին. Փաշինյան
Իմ առաքելությունն է ժողովրդին, հայրենիքին եւ պետությանը ծառայելը…
ԱԺ ընտրությունների մասին ԿԸՀ հաղորդումը ներկայացվել է խորհրդարան. Այն կընդգրկվի օրակարգում
ԱԺ օրակարգում չընդգրկված հարցերի շարքում կա եւս 5 հարց, որոնք մնացել են դեռ նախորդ Ազգային ժողովից...
Հայաստանում բարեփոխումներից ակնկալիքները հսկայական են․ դիտորդական առաքելության ղեկավար
«Բարեփոխումների եւ կյանքի պայմանների բարելավման հանդեպ ակնկալիքները մեծ են»․․․