Հայաստանի Հանրապետական կուսակցությունը ընտրություններին մասնակցելով՝ իրեն շատ մեծ փորձության է ենթարկում: Այս մասին նոյեմբերի 14-ին լրագրողների հետ հանդիպման ժամանակ ասաց ՀՀԿ անդամ Ռազմիկ Մարտիրոսյանը:
Նրա խոսքով՝ ինքը, որպես ՀՀԿ ներկայացուցիչ, առաջիկա արտահերթ խորհրդարանական ընտրություններից ոչ մի սպասելիք չունի:
«Ինձ համար կարեւոր է, թե ՀՀԿ-ն ինչպես դարձնել արդիական, ժամանակակից կուսակցություն, որովհետու այս տարիներին, ցավոք, կուսակցության մեջ շատ խնդիրներ են կուտակվել»,- պարզաբանեց Մարտիրոսյանը:
Ընդ որում՝ նա գոհունակություն հայտնեց, որ վերջին շրջանում ՀՀԿ շարքերում զտում է սկսվել, սակայն Ռազմիկ Մարտիրոսյանի կարծիքով՝ այն չափազանց ուշ է տեղի ունեցել եւ հազիվ թե կարողանա ինչ-որ բանի վրա ազդել:
Նա, միաժամանակ, շեշտեց, որ Հայաստանի հանրությունը հերթական անգամ շատ մեծ հույսեր է կապել նոր առաջնորդ Նիկոլ Փաշինյանի հետ: Բայց երբ հույսերը չիրականանան, կսկսվի նոր զանգվածային հիսաթափություն:
