ԱՄՆ նախագահ Դոնալդ Թրամփի թվիթները ամերիկացիների համար են գրված, այլապես անգլերեն չէին լինի։ Մենք նրա նկատառումները մեկնաբանելու պատճառ չունենք։ Պատասխանելով Մակրոնի հասցեին Թրամփի զայրացած թվիթներին վերաբերող հարցին՝ այս մասին BFMTV-ին տված հարցազրույցում հայտարարել է Մակրոնի խորհրդականը։
Ելիսեյան պալատում նշել են, որ Մակրոնի եւ Թրամփի հարաբերությունները «շատ իրական» են։ «Չնայած թվիթներին՝ նրանք շաբաթական մի քանի անգամ հեռախոսազրույց են ունենում եւ գլոբալ հարցեր են քննարկում»,- հայտարարել են Ելիսեյան պալատում՝ խոստովանելով, որ նրանց հարաբերությունները «ոչ միշտ են թեթեւ լինում»։
Հիշեցնենք, որ նոյեմբերի 6-ին Մակրոնը հայտարարել էր, որ Եվրոպան պետք է սեփական զինված ուժերը ստեղծի։ Նա նաեւ ասել էր, որ Եվրոպական միությունը պետք է պաշտպանվի Ռուսաստանից, Չինաստանից եւ ԱՄՆ-ից, ինչին ի պատասխան՝ Թրամփը շարունակ զայրացած թվիթներ է գրում նրա մասին։