News
Լրահոս
News
Ուրբաթ
Մարտ 29
Տեսնել լրահոսը


ՔՊ վարչությունը հաստատել էր չափորոշիչներ, որոնցով պիտի ընտրվեին ցուցակի թեկնածուները։ Այս մասին NEWS.am–ի հետ զրույցում ասաց ԱԺ «Ելք» խմբակցության պատգամավոր, ՔՊ վարչության անդամ Հովիկ Աղազարյանը։

«Չէի ասի, թե հեշտ էր ընտրությունը, քրտնաջան աշխատանքի արդյունք էր»,– ասաց նա։

Յուրաքանչյուրը կարող էր մոտենալ ՔՊ վարչության որեւէ անդամի, ասեր, որ ուզում է  թեկնածության հայտ ներկայացնել։ Վարչության անդամը իրավունք ուներ առաջարկելու նրա թեկնածությունը։ Ավելի ուշ ՔՊ վարչության անդամների հանձնաժողովը սահմանված չափորոշիչներով քննել է հայտերը, ապա հավակնորդներին ներառել նախընտրական ցուցակ կամ մերժել։ ՔՊ կուսակցության անդամները այդ ֆիլտրով չէին անցնում, քանի որ նրանց ճանաչում էին։ 

Նախընտրական ցուցակի թեկնածուին ընտրելու չափորոշիչները հետեւյալն էին՝ բարձրագույն կրթություն, լեզուների իմացություն, հասարակության մեջ զբաղեցրած դիրք, քաղաքականացվածության աստիճան, ՔՊ անդամություն։ Ընդ որում, ՔՊ անդամ լինելը ամենացածր միավորն էր բերում։ «Եթե որոշ չափորոշիչներ 10 բալային համակարգով 7 բալ էին բերում, կուսակցության պատկանելությունը ընդամենը 3 բալ էր տալիս»,– ասաց Հովիկ Աղազարյանը։

Ընտրությունը մեծ է եղել. ՔՊ անդամներից բացի եւս 500 հոգի մրցել է՝ ցուցակ մտնելու համար։ 

Լրագրողները չափանիշների ֆիլտրով անցել են ու փաստի առաջ կանգնեցրել ՔՊ վարչությանը. «Մենք որ ստեղծել էինք այդ բալային համակարգը, նրանք անցան, հետո մենք հայտնաբերեցինք, որ բավականին վտանգավոր ներկայացվածություն ունեն լրատվամիջոցների ներկայացուցիչները մեր ցուցակում՝10 տոկոս, բայց արդեն ուշ էր, հաշտվեցինք այդ մտքի հետ, ասացինք՝ լավ, ոչինչ, շատ սարսափելի չէ»։

Մարզպետները եւս տարածքայինից բացի ներառվել են նաեւ համապետական ցուցակ, քանի որ պարզ չէ, որ ընտրություններից հետո կպաշտոնավարեն իբրեւ մարզպետ։

Հովիկ Աղազարյանն ասաց, որ նախարարներն ու մարզպետները վարչական լծակներ չեն կիրառի, քանի որ ոչ թե քաղաքական հակառակորդի, այլ գործընկերոջ քարոզարշավի վրա կարող է ազդել․ կբացահայտվի եւ կստանա արժանի գնահատական։

Մամուլի հրապարակումները, թե Փաշինյանը «Իմ քայլի» նախընտրական ցուցակը պատռել է, Հովիկ Աղազարյանը հերքեց։ Ասաց, միջադեպ եղել է, բայց ոչ թե պատռել է, այլ բարկացել, որ վարչապետի իր ժամանակը ռացիոնալ չեն օգտագործել. «Չնայած մենք դա արել ենք հիմնականում աշխատանքից հետո, բայց գիտենք, որ վարչապետը աշխատում է մինչեւ ժամը 10-ը, մի քիչ ռացիոնալ չէինք օգտագործել, բարկացավ, ուղղակի, այդքան բան»։

Հեղափոխության ժամանակ քայլելու դիմաց նախընտրական ցուցակ ներառելու հարցը Հովիկ Աղազարյանն առաջարկում է չշահարկել. «Որովհետեւ եթե քայլելուն նայենք, քայլած մարդիկ բավականին քիչ են. սկզբի օրերին ընդամենը 10 հոգի էինք, հասանք Երեւան, ասենք՝ դարձանք 100 հոգի, բայց այդ 100 հոգու մեջ մարդիկ կային, որոնք ընդամենը 2 օր են քայլել։  Հետո Երեւանում արդեն շատ քայլեցին, բայց ամբողջ ազգն էր քայլում՝ ամբողջ ազգը չի կարող պատգամավորի թեկնածու լինելու հայտ ներկայացնել»։

Ի դեպ, նախընտրական ցուցակ ներառված ԱԺ պատգամավորները քարոզարշավի ընթացքում աշխատավարձ չեն ստանալու։

Հարցազրույցի մանրամասները՝ տեսանյութում։

Տպել
Կարդացեք նաև
Ամբողջը
Tesla-ն էլեկտրամոբիլների մատակարարման ռեկորդ է սահմանել
Տարվա ընդհանուր մատակարարումները կազմում են 936 172 միավոր, 87%-ով ավելի․․․
«Հայաստան» դաշինք. Նախատեսում ենք հանդիպել Շիրակի մարզի բնակիչների հետ
«Հայաստան» դաշինքի համամասնական ցուցակի երեք առաջնորդները միաժամանակ քարոզչություն կիրականացնեն տարբեր վայրերում...
Հրապարակվել է ՀՀ ԱԺ արտահերթ ընտրությունների դիտորդական առաքելության ամոփիչ զեկույցը
«Ականատես» դիտորդական առաքելությունն առաջին անգամ իրականացրել է երկարաժամկետ դիտորդություն, որի ընթացքում 35 երկարաժամկետ դիտորդներ...
Որոշ հանձնարարականներ դեռ մնում են չկատարված. ԵԱՀԿ/ԺՀՄԻԳ զեկույցը՝ 2018-ի ԱԺ ընտրությունների մասին
Զեկույցի հեղինակներն ընդգծվում է, որ կուսակցություններն ու դաշինքները հնարավորություն են ունեցել ազատ քարոզարշավ իրականացնել. միավորումներ կազմելու, խաղաղ հավաքների, արտահայտման եւ տեղաշարժի…
ԿԸՀ նախագահ. Հայաստանում ընտրական գործընթացի ժամկետի խախտումներ չեն գրանցվել
ԿԸՀ-ն սեղմ ժամկետում է նախապատրաստվել արտահերթ խորհրդարանական ընտրություններին, ասել է Տիգրան Մուկուչյանը...
ՍԴ-ում ընտրությունների արդյունքների բողոքարկումը Հայաստանի ընտրական մշակույթի մաս էր. ԿԸՀ
Նա նշեց, որ սահմանադրական վիճարկման փուլում անգամ դեպքեր են եղել,երբ ոչ միշտ է պատշաճ ապացուցողական բազա ներկայացվել....
Ամենաշատ