Կառավարությունը հավանություն տվեց «Քաղաքացիական կացության ակտերի մասին» օրենքում փոփոխություններ եւ լրացում կատարելու մասին նախագծին
Նախագծի ընդունման անհրաժեշտությունը պայմանավորված է ՔԿԱԳ ոլորտում դեռեւս Խորհրդային ժամանակների բնորոշ ծառայությունների համակարգային փոփոխմանը՝ մեկ պատուհան ծառայություն ներդնելու միջոցով:
Առաջարկվում է ուժը կորցրած ճանաչել այն դրույթը, որով քաղաքացիական կացության ակտերի գրանցումը սահմանափակվում էր վարչատարածքային պատկանելությամբ:
Նախագծի ընդունման դեպքում սահմանվում է.
• հնարավորություն է ընձեռվում նվազեցնել ՔԿԱԳ մարմինների գործունեության կոռուպցիոն ռիսկերը,
• հնարավորություն է ընձեռվում ապահովել ՔԿԱԳ մարմինների սպասարկման որակի բարելավում` շնորհիվ քննարկման առարկա հանդիսացող բնագավառում ձեւավորվող մրցակցային դաշտի,
• ՔԿԱԳ մարմինների գործունեությունը կհամապատասխանեցվի զարգացող հասարակության ժամանակակից պահանջներին:
