Կառավարությունն իր այսօրվա՝ նոյեմբերի 15-ին, բացասական եզրակացություն տվեց «Ելք» խմբակցության պատգամավոր Գեւորգ Գորգիսյանի օրենսդրական նախաձջեռնությանը, որով առաջարկվում է մեծացնել պետության կողմից կուսակցություններին հատկացվող ֆինանսական օժանդակությունը:
Նախագիծը ներկայացրեց արդարադատության նախարարի պաշտոնակատար Արտակ Զեյնալյանը՝ նշելով, որ պատգամավորն առաջարկում է «Կուսակցությունների մասին» օրենքում փոփոխություն կատարել, որով կուսակցությունների ֆինանսավորումը 3 մլն 538 հազար դրամից կդառնա 776 մլրդ 540 հազար դրամի, այսինքն մոտ 7 անգամ կավելանա:
«Բյուջեի վրա այսպիսի բեռ դնելն արդարացված չէ եւ առաջարկում ենք բացասական եզրակացություն տալ օրենսդրական նախաձեռնությանը»,-ասաց Զեյնալյանը:
