News
Լրահոս
News
Ուրբաթ
Օգոստոս 23
USD
475.99
EUR
526.4
RUB
7.25
ME-USD
0.14
Տեսնել լրահոսը


Հայաստանի եւ Արցախի միջեւ ռազմաքաղաքական դաշինքի կնքման ծրագիր եղել է դեռեւս ապրիլյան պատերազմից հետո, «ՀՅԴ» խմբակցության առաջարկն էր, ապա նախագահ Սարգսյանը հանձնարարեց Ազգային անվտանգության քարտուղարին եւ Ազգային անվտանգության խորհրդին ներկայացնել առաջարկություններ դրա վերաբերյալ: Այս մասին այսօր՝ նոյեմբերի 15–ին, խորհրդարանում լրագրողների հետ զրուցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը՝ անդրադառնալով Վիտալի Բալասանյանի հայտարարությանը, թե առաջիկայում Հայաստանի եւ Արցախի միջեւ ռազմաքաղաքական դաշինքի մասին պայմանագիր է կնքվելու։

«Երբ որ գա ժամանակը, դրա անհրաժեշտությունը լինի, մենք կխոսենք այդ մասին: Մենք տեսնում ենք շատ լուրջ մտահոգություններ, մարտահրավերներ ոչ միայն ազգային անվտանգության, ոչ միայն արժեքային համակարգի, այլ նախ եւ առաջ Ղարաբաղյան հարցում որոշակի ստորջրյա հոսանքների հետ կապված: Եվ այդ իմաստով մենք՝ ՀՀԿ-ականներս, մասնակցելու ենք ընտրություններին՝ հիմքում ունենալով թիվ մեկ խնդիր. դա Արցախի հարցում որեւէ միակողմանի զիջման չգնալն է, մենք նպատակ չունենք նշելու, որ այսօրվա իշխանությունը ազգադավ է, կամ ուզում է գնալ զիջումների, նման խնդիր չունենք, մենք «դիշովի» պոպուլիզմով չենք զբաղվում: Մենք պարզապես ասում ենք, որ կա լուրջ մարտահրավեր, եւ մենք՝ որպես պատասխանատու քաղաքական ուժ, մի ուժ, որի հիմքում ընկած է եղել Հայաստանի անկախության հռչակումը եւ Արցախյան շարժման մեջ հայանպաստ լուծումը, անելու ենք ամեն ինչ՝ դրա համար ներդնելու մեր փորձը, կապերը, գիտելիքները, մեր պայքարի ներուժը, որպեսզի թույլ չտանք Արցախյան հիմնահարցում որեւէ անցանկալի զարգացում»,– ասաց Շարմազանովը։

Ցանկալի զարգացումը, ըստ ՀՀԿ–ական պատգամավորի, հետեւյալն է՝ Արցախը չի կարող լինել Ադրբեջանի կազմում, եւ հարցերի հարցը ոչ թե տարածքներն ու փախստականներն են, այլ Արցախի կարգավիճակը. «Երկրորդը՝ մենք նաեւ դեմ ենք այն դիրքորոշմանը, թե Արցախի ժողովուրդը մենակ թող որոշի, ինչ ուզում է. ոչ, սա ուղղակի կնշանակի Արցախին միայնակ թողել մարտահրավերին դեմ հանդիման»:

Էդուարդ Շարմազանովը մտահոգիչ համարեց տարբեր հարթակներում Արցախի հիմնախնդրի շուրջ շրջանառվող թեզերը. «Էն, ինչ խոսվում է, թեկուզ անուղղակի, տարբեր միջազգային փորձագետների կողմից, տարածքներ խաղաղության դիմաց, մեզ համար անընդունելի է եւ կտրականապես մերժելի է: Մեկ անգամ չէ, որ նշել ենք՝ Ղարաբաղյան հիմնահարցի լուծման հիմքը պատճառների վերացումն է, իսկ պատճառները վերացնելու համար նախ եւ առաջ պետք է Ադրբեջանը ճանաչի ԼՂՀ ժողովրդի իրավունքի ամբողջական իրացումը, այսինքն՝ ճանաչի, որ ԼՂ ժողովուրդն է հանրաքվեի միջոցով որոշելու իր ճակատագիրը, այլ կարծիք լինել չի կարող: Ղարաբաղը երբեք չի կարող լինել Ադրբեջանի մաս, սա փաստ է, եւ մնացած բոլոր գործողությունները՝ տարածքներ, փախստականներ, ածանցյալ են, դրանք հետեւանք են, այլ ոչ թե պատճառ: Եվ եթե համանախագահները կամ որեւէ միջազգային փորձագետներ, ԱՄՆ ներկայացուցիչներ կամ այլ համանախագահ երկրների ներկայացուցիչներ խոսում են անուղղակի, թեկուզ «տարածքներ խաղաղության դիմաց» սկզբունքով, մեզ համար կտրականապես դա անընդունելի է, որովհետեւ պետք է լուծվեն ոչ թե հետեւանքները, այլ պատճառները»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանի արտաքին քաղաքականությունը կառուցվում է 3 սկզբունքի վրա. ԱԳՆ մամուլի քարտուղարի հարցարույցը
Օգոստոսի վերջին Երեւանում մեկնարկելու է ՀՀ դիվանագիտական ծառայության մարմինների ղեկավարների ավանդական հավաքը…
Գերեվարված Արայիկ Ղազարյանի հարցը շարունակում է մտահոգության առարկա մնալ. ԱԳՆ
Արտգործնախարարը շեշտեց, որ իր հանդիպումները Ադրբեջանի արտգործնախարարի հետ շարունակվում են...
ՄԱԿ-ում տարածվում է Արցախի Հանրապետության Կամավոր ազգային զեկույցը
Զեկույցն իրենից ներկայացնում է Արցախի ժողովրդի ինքնորոշման իրավունքի հիման վրա ժողովրդավարական պետություն կառուցելու եւ տնտեսական...
Ինքնազոհաբերվել սովորել եմ ղարաբաղցի ժողովրդից. Արկադի Տեր-Թադեւոսյան
Դաժանությունը, որով գործողությունն անցկացվում էր, քաոս առաջացրեց…
ԵԱՀԿ դիտարկումն Օմարի լեռնանցքում անցել է ըստ նախատեսված ժամանակացույցի
Դիտարկման առաքելությանը արցախյան կողմից ուղեկցել են Արցախի Հանրապետության արտաքին գործերի նախարարության եւ պաշտպանության նախարարության ներկայացուցիչները...
Բակո Սահակյանը դեսպան Կասպշիկի հետ քննարկել է շփման գծում տիրող իրավիճակը
Հանդիպմանը քննարկվել են Արցախի եւ Ադրբեջանի զինված ուժերի շփման գծում տիրող իրավիճակին վերաբերող մի շարք հարցեր․․․
Ֆոտոռեպորտաժներ