Այս պահից Եվրամիություն-Հայաստան համաձայնագիրը խորհրդարանի ցանկացած նիստում կարող է հավանության արժանանալ։ Այս մասին նոյեմբերի 15-ին լրագրողների հետ զրույցում հայտարարեց Հայաստանում Չեխիայի դեսպան Պետր Միկիսկան։
«Չեխիայի սենատը համաձայնագրի վավերացումը դեռեւս մայիսին է հավանության արժանացրել։ Համաձայնագրի վավերացումը Պատգամավորների պալատի կողմից կլինի վերջին քայլը»,- նշեց դեսպանը։
«Նրա խոսքերով՝ համաձայնագրի վավերացման հարցը մայիսից օրակարգում է։ «Այս պահից ԵՄ-ՀՀ համաձայնագիրը խորհրդարանի ցանկացած նիստում կարող է հավանության արժանանալ»,- հավելեց դեսպանը՝ ելույթ ունենալով չեխ գրող Կունդերայի գրքի հայերեն հրատարակության շնորհանդեսի ժամանակ։
Հիշեցնենք, որ ՀՀ-ում Չեխիայի դեսպանությունը ներկայացրել է հանրահայտ չեխ գրող Միլան Կունդերայի «Կեցության անտանելի թեթեւությունը» գրքի հայերեն թարգմանությունը։