Բուլղարիայի ոստիկանությունը 22-ամյա երիտասարդի է ձերբակալել, որը նկարել է Սոֆիայում տեղադրված Խորհրդային բանակի հուշարձանի վրա, հայտնում է բուլղարական «24 ժամ» պարբերականը:
Պարբերականը նշում է, որ միջադեպը տեղի է ունեցել նոյեմբերի 16-ի գիշերը:
Պարբերականի տեղեկություններով՝ տեսահսկման համակարգին հետեւող ոստիկանների ուշադրությունն է գրավել կասկածելի մարդը, որը ներկի տարայով գտնվել է հուշարձանի մոտ:
Ոստիկանական պարեկը, ում ուղարկել են դեպքի վայր, վանդալին ձերբակալել է: Նշվում է, որ երիտասարդին առաջադրվել է խուլիգանության մեղադրանք:
