News
Լրահոս
News
Երկուշաբթի
Մայիս 27
Տեսնել լրահոսը

Պետական եկամուտների կոմիտեի oպերատիվ հետախուզության վարչության մարզային թիվ 10-րդ (Գեղարքունիքի) բաժնի աշխատակիցները պարզել են, որ քաղաքացի Ա. Ջ.-ն, 2017թ. հուլիսին Գեղարքունիքի մարզում հիմնադրելով «ԷՅ ՋԻ» ՍՊԸ-ն, կատարել է մի շարք չարաշահումներ:

ՊԵԿ-ից NEWS.am-ին հայտնում են, որ վերջինս իր անվամբ ձեւակերպել է օդափոխման, սառեցման եւ տաքացման համակարգերի տեղադրման ծառայություններ, ինչպես նաեւ ապրանքների վաճառքներ` յոթ ընկերությունների: Սակայն ձեւավորված հարկվող օբյեկտների վերաբերյալ հարկային հաշվարկներ ընկերությունը չի ներկայացրել՝ պետությանը պատճառելով առանձնապես խոշոր չափի՝ ավելի քան 50,5 մլն դրամի վնաս:

Պետությանը պատճառված առանձնապես խոշոր չափի վնասի նախնական հաշվարկը եւ նախապատրաստված նյութերն ուղարկվել են ՊԵԿ հետաքննության վարչություն՝ հետագա ընթացքը լուծելու նպատակով:

Մեկ այլ դեպքով էլ պարզվել է, որ Մարտունու բնակիչ Լ. Հ.-ն, առանց պետական գրանցման եւ հարկային մարմնում հաշվառման, նոյեմբերի 1-9-ը կազմակերպել է հանրային սննդի՝ գիշերային դիսկո-բարի գործունեություն: Հարուցվել է վարչական վարույթ, նախապատրաստվում են լրացուցիչ նյութեր պետությանը պատճառված վնասի չափը որոշելու եւ համապատասխան պատասխանատվության ենթարկելու նպատակով:

Իսկ ՊԵԿ ՕՀՎ մարզային թիվ 15-րդ (Վայոց ձորի) բաժնի իրականացրած օպերատիվ-հետախուզական միջոցառումներով պարզվել է, որ Հ. Ս.-ն այս տարվա մայիսից, առանց ընդերքօգտագործման թույլտվության, Վայոց ձորի մարզի Գողթանիկ բնակավայրի հարակից տարածքից բազալտե բեկորներ է արդյունահանել: Վերջինս 110 խմ ծավալով բազալտի բեկորները վերածել է սալիկի, որոնք էլ իրացվել են Վայոց ձորի եւ Գեղարքունիքի մարզերում՝ 1 խմ-ը 5000 դրամով: Ընդհանուր ձեռնարկատիրական եկամուտը կազմել է 550 հազար դրամ: ՀՀ hարկային օրենսգրքի 407 հոդվածի համաձայն՝ ապօրինի գործունեությամբ զբաղվելու դեպքում գանձվում է տուգանք՝ ձեռնարկատիրական եկամտի 50%-ի չափով, ինչպես նաեւ ընդերքօգտագործման թույլտվության համար պետական տուրք է գանձվում 500 հազար դրամի չափով: Արդյունահանված եւ իրացված բազալտե սալիկների իրական ծավալները եւ պետությանը պատճառած վնասի չափը ճշտվում է:

ՊԵԿ ՕՀՎ մարզային թիվ 11-րդ (Արարատի) բաժնի աշխատակիցներն Արարատի մարզում արձանագրել են ֆիզիկական անձի կողմից առանց համապատասխան լիցենզիայի արտարժույթի առքուվաճառքով զբաղվելու փաստ: Հարուցվել է քրեական գործ: ՕՀՎ աշխատակիցները բացահայտել են նաեւ լիցենզավորման ենթակա՝ ատամնատեխնիկական գործունեության ապօրինի կազմակերպման երկու դեպք: Պետությանը պատճառված վնասի չափը հաշվարկվում է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարն ու եվրոն թանկացել են
Թանկարժեք մետաղների համար բանկի կողմից սահմանվել են հետեւյալ գները...
Կառավարությունում հաստատվել է համայնքներից ստացված սուբվենցիոն ծրագրերի 46 հայտ` շուրջ 1.9 մլրդ ընդհանուր ծավալով
ՀՀ փոխվարչապետ Տիգրան Ավինյանի համակարգմամբ…
Առեւտրի եւ ներդրումների բրիտանական հանձնակատարը Հայաստանում է
Մարկ Փրիչարդը Հայաստանում է...
Նորագավիթի ավտոմաքսատունը մայիսի 25-ին չի աշխատի
Պատճառը մաքսատանն իրականացվող վերանորոգման աշխատանքներն են...
Դոլարի փոխարժեքն աճել է. եվրոն էժանացել է ավելի քան մեկ դրամով
Թանկարժեք մետաղների համար բանկի կողմից սահմանվել են հետեւյալ գները…
«Մի քիչ ավելի կոռեկտ արտահայտվեք». Փաշինյանը դիտողություն արեց Վահագն Վերմիշյանին
Հայաստանի կառավարությունն իր այսօրվա՝ մայիսի 23-ի նիստում հաստատեց Ինտեգրված կադաստրի ստեղծման հայեցակարգը և հայեցակարգից բխող միջոցառումների ծրագիրը...