«Մենք» դաշինքը, որի կազմում ընդգրկված են «Հանրապետություն» եւ «Ազատ դեմոկրատներ» կուսակցությունները, ներկայացրել է «Մենք» դաշինքի տարբերանշանը:
Ավելի վաղ NEWS.am-ը հայտնել էր, որ դեկտեմբերի 9-ին կայանալիք խորհրդարանական արտահերթ ընտրություններում «Մենք» դաշինքի ցուցակը գլխավորում է Արամ Զ. Սարգսյանը: Նրան հաջորդում են «Ազատ Դեմոկրատների» նախագահ Խաչատուր Քոքոբելյանը, փոխնախագահ Անժելա Խաչատրյանը, «Հանրապետությունից» Արտակ Զեյնալյանը, Բորիս Նազարյանը։ Վերջինս ՀՀ նախկին գլխավոր դատախազներից է:
Ցուցակի 6-րդ հորիզոնականում «Ազատ դեմոկրատներից» Մասիս Այվազյանն է, այնուհետեւ հաջորդում են Անահիտ Ադամյանը (անկուսակցական), Սոնա Մինասյանը (Ազատ դեմոկրատներ), Արա Կետիկյանը (Հանրապետություն, ԵԿՄ անդամ), իսկ տասնյակը եզրափակում է «Ազատ դեմոկրատներից» Արմեն Առաքելյանը: