Իրանի նախագահ Հասան Ռոհանին հայտարարել է, որ Իրանն ու Իրաքը համաձայնության են եկել ազատ առեւտրի գոտի ստեղծելու հարցում, հայտնում է Press TV-ն:
«Մենք պայմանավորվել ենք երկու երկրների միջեւ ազատ առեւտրի գոտի ստեղծել, այս կերպ մենք կկարողանանք համատեղ ձեռնարկություններ հիմնել»,- ասել է Ռոհանին իրաքցի գործընկեր Բարհամ Սալեհի հետ մամուլի ասուլիսի ժամանակ:
Նրա խոսքով՝ մոտ ապագայում պետությունների միջեւ առեւտրի ծավալը կմեծանա մինչեւ 20 մլրդ դոլար:
Սեպտեմբերի սկզբին հայտնի էր դարձել, որ Իրաքը Իրանի հետ առեւտուր կատարելիս դոլարից հրաժարվել է ազգային արժույթի օգտին: