Որոշ խոշոր տերություններ Եվրամիության եւ ֆրանկո-գերմանական տանդեմի համար սպառնալիք են ներկայացնում։ Այս մասին հայտարարել է Ֆրանսիայի նախագահ Էմանուել Մակրոնը՝ ելույթ ունենալով Բունդեսթագում։ Գերմանիայում նա մասնակցում է Ազգային վշտի օրվան նվիրված միջոցառումներին՝ տեղեկացնում է ՏԱՍՍ-ը։
Նրա խոսքերով՝ Եվրոպան եւ նրա մեջ մտնող ֆրանկո-գերմանական տանդեմը պարտավոր են թույլ չտալ, որ աշխարհը ընկղմվի քաոսի մեջ, իսկ դրա համար անհրաժեշտ է «մոլորակին ուղեկցել դեպի խաղաղություն»։ «Հենց դրա համար Եվրոպան պետք է լինի ավելի ուժեղ եւ ավելի վստահ, նա չի կարող խաղալ անհրաժեշտ դերը, եթե խաղալիք լինի որոշ մեծ տերությունների ձեռքում, մեծ պատասխանատվությամբ չվերաբերի իր պաշտպանությանն ու անվտանգությանը եւ համաձայնի միջազգային ասպարեզում երկրորդական դերակատարմանը»,- ասել է Մակրոնը։
Մակրոնը ընդգծել է, որ ԵՄ-ում Ֆրանսիայի եւ Գերմանիայի առջեւ կանգնած խնդիրներից է «համընդհանուր եվրոպական պաշտպանական համակարգի ստեղծումը»։ Որպես ընդհանուր խնդիր, նա նշել է նաեւ սահմանների անհրաժեշտ վերահսկողությունը, կիբեռհանցագործությունների դեմ պայքարը, թվային տարածության արդար կարգավորումը