«Լուսավոր Հայաստան» կուսակցության նախագահ Էդմոն Մարուքյանի կարծիքով ռեյտինգային ընտրակարգը որեւէ ազդեցություն չի ունենա ԱԺ արտահերթ ընտրություններում ՀՀԿ շանսերի վրա:
«ՀՀԿ-ն եթե փող չբաժանի, ադմինիստրատիվ ռեսուրս չկիրառի, այլեւս ի՞նչ է անելու: Հանրապետականի բրենդն, ըստ էության, շատ վատ վիճակում է, հետեւաբար ես չեմ կարծում, որ այս ռեյտինգայինը որեւէ առումով նրանց շանսերի վրա ազդեցություն է ունենալու»,- NEWS.am- ի հետ զրույցում ասաց նա:
Մարուքյանի կարծիքով՝ Հանրապետական կուսակցությունը ձգտում է ռեւանշի հասնել, ընդդիմադիր չէ:
«Ես կարծում եմ , որ Հանրապետական կուսակցությունն ուղղակի ուզում է ռեւանշի հասնել, որն անհնար է: Ինչ վերաբերում է ընդդիմության լինել-չլինելուն, ապա ընդդիմություն խոսքերով չեն լինում կամ քննադատությամբ, այլ անցած ճանապարհով են լինում, անբիծ լինելով: Ես նրանց մեջ քաղաքական համակարգն առողջացնելու միտում չեմ տեսնում»,- ընդգծեց Մարուքյանը:
