Ֆրանսիայում հնագետները հայտնաբերել են ժայռապատկերներով երկու քարանձավներ, հաղորդում է Live Science-ը:
Քարանձավները տեղակայված են Սոնա եւ Լուարա շրջաններում: (Բուրգունդիա, Ֆրանսիա): Հետազոտողների համար հեշտ չէր հայտնմաբերել 12,000 տարի առաջ արված նկարները, քանի որ քարանձավների պատերը ծածկված էին ավելի ուշ շրջանի՝ 16-19-րդ դարերի պատկերներով:
«Նկարներով քարանձավներ շատ տեղերում են հանդիպում: Սակայն ձիու եւ եղջերուի նկարները, որոնք մենք հայտնաբերեցինք Ֆրանսիայում, պալեոլիթի շրջանի ժայռային գեղանկարչության առաջին օրինակներն են», -ասել է հնագիտական խմբի ղեկավար, պրոֆեսոր Հարալդ Ֆլոսը: