Ղազախստանի ԱԳ նախարար Կայրաթ Աբդրռահմանովը հայտնել է, որ ընթացիկ տարեվերջին իր երկրում տեղի կունենա Սիրիայի հարցով բանակցությունների հերթական ռաունդը, փոխանցում է The National-ը:
«Աստանայի գործընթացի երաշխավոր երկրները՝ Ռուսաստանի Դաշնությունը, Թուրքիան եւ Իրանը պայմանավորվել են Աստանայի գործընթացի շրջանակում Սիրիայի հարցով բարձր մակարդակով հերթական 11-րդ միջազգային հանդիպումն անցկացնել նոյեմբերի 28-29-ը Ղազախստանի մայրաքաղաքում»,- ասել է նա լրագրողներին:
Նրա խոսքով՝ հանդիպմանը դիտորդի կարգավիճակով հրավիրված են ՄԱԿ եւ Հորդանանի ներկայացուցիչները:
Նա նաեւ նշել է, որ բանակցային գործընթացին կմասնակցեն Սիրիայի կառավարության եւ սիրիական ընդդիմության ներկայացուցիչները:
«Հանդիպմանը հրավիրված են նաեւ Սիրիայի կառավարությունն ու ընդդիմությունը»,- հավելե է նա:
